[A:186]rgyud shongs 'gyur bu chan gyi stengs nas slob bshad du bgyis pa'i chos thun che nges nyid re bzhin bar ma chad snga dro'i cha la phul mthar/ sngar spyang lung du gsol ba btab pa'i 'dod chos zhu ba la nged rang dpon slob rnams kyis lam bsrangs nas phyin zhing/ sprul pa'i sku dpon slob rnams kyang slad nas kong po sogs byang rigs kyi mi chen tha dad dang/ smad hor sogs 'gro ba so so'i spyan 'dren chos zhu 'bul 'degs sogs la yun ring du phrin las rgya 'byams su bzhugs pa'i bar/ dpal spyang lung gi dben gnas nyid du/ gong du snyan gsan btab pa'i theg chen chos kyi rgyal po nas/ rigs 'dzin lo brgya pa spyang lung pa gzhon nu blo gros nyid la bka' babs pa'i lam 'bras lam skor/ chos skyong che chung/ de dag dang 'brel ba'i dbang bka' byin rlabs yod do cog gi rgyun bum pa gang byo'i tshul du rdzogs par zhus/ 'brog phyogs su byung ba'i 'bul ba tha na bza' bca' tshun yang phyag tu dengs par byas shing/ skabs der sngar ma thob pa'i zhi byed brgyud pa phyi ma'i glegs bam gyi dbang/ byin rlabs/ brda/ ngo sprod/ phyag rgya chen po rim pa gcig char ba'i gdams pa/ gyes pa yal ga'i chos sde nyi shu rtsa lnga pa/ 'dril ba sdong po'i chos sde don rgyud skor gsum/ lag khrid lnga bcu rtsa lnga/ gnad 'gag lnga bcu rtsa lnga pa/ mdo sde shes rab snying po'i don 'grel/ de nyid brgya dang brgyad cu/ nub phyogs su dgyes pa'i mtshon dpe brgya dang brgyad cu/ byang du gyes pa brgya dang brgyad cu pa/ yongs su smin pa 'bras bu'i chos sde'i rten 'brel brgyad cu pa/ zhus lan dum bu drug pa/ le'u phran lnga cu rtsa bzhi las/ dang