[A:35]pa'i spyod mtshams rgyas 'bring bsdus gsum gyi/ rgyas pa na brgyad cu rtsa dgu 'bring po gsum/ bsdus pa dgur byed pa'i nang sel/ de dag gi lung sbyor ngos 'dzin tshig zur tsam yang ma brjed par/ phyis rang gis gzhan la 'chad pa na yang de nyid kho na spod pa las zin bris sogs kyi dpe 'dzin la ma ltos par byung/ rjes su 'dren pa gzhan dag las bzlas pa lan du mar zhus pa'i tshe yang/ sngar ma thob pa'i yig cha'i lung gsar 'phel tsam/ spyi bshad kyi dgag sgrub du ma la yid ches skyes pa'i spobs pa gong 'phel las/ rgyu lam gyi skabs bden gnyis gzugs rnam du slong ba/ lam khrid dngos kyi tshe gong ma'i gsung snying dag la phyis 'byung gi zer sgra gang gis yang ma slad pa'i bsgom don brjen pa/ don thob kyi tshig gcig ma chad/ dgos med kyi 'bru gcig ma lhag pa'i ston tshul thun bzhi'i chu bo dus khor mor nyi tshod sor gang la sngags phyi ma mchis pa thugs nyams su bdar ba'i bka' babs yid ches des sems 'phrogs te/ lam srol 'byed pa po rnal 'byor dbang phyug nyid dang mjal yang som nyi gsal ba'i zhus tig skrag rtse tshad kyang dri rgyu mi snang la/ lo re bzhin yang lung yig sna drug cu sna gcig kyang ma chad pa'i steng du/ snga ma la gzhung bshad gsung bgros ma/ yig chung bdun/ bla ma'i rnam thar zhib mo rnam dag/ bar ston zin bris/ dmar gyis mdzad pa'i lung sbyar rnams sbyor ba'i bshad lung/ bar ma la gzhung bshad man ngag mdzod/ bla ma dpal ldan tshul khrims kyi mchan bcas/ brgyud pa'i rnam thar ngo mtshar snang ba/ khrid yig sbas don gsal ba sogs/ dpal ldan bla ma dam pas mdzad do