[A:36]cog ma lus pa lhan du bsgrigs pa'i bshad lung/ rjes ma khyed dpun dbus gtsang la 'gro ba'i rdzong chos yin gsung/ snang gsum skabs zab mo mdo lnga/ lam 'bras chos 'byung gis mtshon pa'i lung rgyun yod do cog zhib rgyas dang bcas pa'i lam 'bras shin tu smin par thob/ slar dge 'dun nyung bsdus la/ tog rtse ba'i bsam mi khyab/ Dom bhi ba'i lhan cig skyes grub/ mtsho skyes kyi zab pa'i tshul dgu/ klu sgrub kyi mchod rten drung thob/ nag po spyod pa'i gtum mo lam rdzogs/ nag po ba'i yon po srong ba/ intra bo dhi'i phyag rgya lam/ ngag gi dbang phyug gi yi ge med pa ste/ lam skor phyi ma brgyad kyi khrid/ rgya bod kyi yig lung mtha' dag byin rlabs sgo gnyis/ sgo drug chos 'grel du grags pa/ shanti pa'i mdo rgyud bsre ba/ rin chen rdo rje/ dznyA na shrI/ sher 'byung blo gros rnams kyis ting nge 'dzin sems/ 'byung ba lus 'khrugs/ phyi rol gdon gyis bar chad bsrung ba ste bar gsum sel du grags pa/ ngag gi dbang phyug grags pa'i gnyug ma dran gsal/ nA ro pa'i phyag rgya chen po sdug bsngal gsum sel rnams kyi bshad lung kyang bstsal/ mdor na 'brog mi lo tsA ba chos kyi rgya mtsho de nyid la bka' babs pa'i lam 'bras/ lam skor zhar byung gi gdams pa rnams tshang bar thos shing/ gsung las kyang kyai rdor bka' babs phyi ma rnams la gtso che'i chos sna sum cu dgu yid ches kyi gnas su yod pa ltar/ man ngag lugs la sa chen yab sras gsum gyi lhan cig tu bsgrigs pa'i dkar chag tu thebs pa/ yig sna drug cu mig ltar gces par bskyangs dgos ces 'doms pa'i don la phyis dpyad pa na/ rje btsun chen