[A:189]bsam gtan dpung pa sems 'dzin gyi skor/ 'da' kha zhal chems gyi skor rnams zhus mthar/ stag lung pa'i chos grwa chen po nyid du slar dka' tho yang yang gi bskul 'debs gnang ba bzhin myur stabs su phyin mtshams bka' bkod la khar sang thang 'brog tu sems 'grel skor gsum la zhib bshad gnang ba yang/ g.yeng ba'i dbang gis ji lta ji snyed pa nges gnas su 'byor pa rang ma byung ba nas/ mchod khang rtser brel spyod kyi khur len la gcung rin po che 'gro mgon ras chen pa dpon slob rnams la kha bkod 'thoms par byas/ nged rang dpon slob lhan du grog khar nang mtshams bcad/ bka' chos la g.yeng bas mi brdzi ba rang cig byed dgos par 'dug gsung ba nyid phyag bzhes la thebs par gnang ba'i skabs/ de skabs kyi bka' chos 'bul ba'i thog ma/ snga dro'i cha la nyin re bzhin bar ma chad pa gsol ba snga thon nas/ gung gi gdugs tshod kyi bar nA ro 'grel chen/ lha'i rigs kyi blo gros kyi gur 'grel/ saM bu Ti'i 'grel pa man ngag snye ma/ lA wa bas mdzad pa'i bde mchod rtsa rgyud kyi 'grel
pa/ kA la kalpas mdzad pa'i rdo rje mkha' 'gro'i 'grel pa/ ratna rakShi tas mdzad pa'i bde mchog sdom 'byung gi 'grel ba/ padma badzra yis mdzad pa'i mkha' 'gro rgya mtsho'i grel pa gru gzings/ slob dpon mi bskyod pas mdzad pa'i rtog bdun gyi 'grel pa/ dpal 'dzin gyis mdzad pa'i dgra nag gi 'grel pa rnams la rgyud so so dang sbyar ba'i sa gzhung 'brel tsam mgyogs chos su phul rjes/ bshad bya'i ngo bo dpal gsang ba 'dus pa'i 'grel chen sgron ma rab gsal nyid la mtha' drug tshul bzhi 'byed