[A:190]pa'i gsang rgyan bdun gyi spyi chings kyi sgo phye ste legs par phul zhing/ bde dgye gsang gsum gyi rgyud 'grel rnams kyang/ dpal ngag dbang grags pa nyis kyis zhus dag gnang ba'i glegs bam gser rkyang ma 'ba' zhig la bshad dpe bgyis shing/ sngags gzhung gi bka' chos rnams rdzogs mthar/ byams chos sde lnga/ do ha skor gsum/ par pu ba'i 'grel ba dang sbyar ba sogs sngar ma gsan pa'i lung dpag med 'grul par phul zhing/ dgongs kha'i cha la nyin re bzhin ma chag par/ thog mar dbang gi sgo 'byed dpal mkha' 'gro rgya mtsho brda dang brda can gyi dkyil 'khor rnam pa bzhi mngon par dbang bkur zhing/ de mtshams rim can du bde mchog lo vc: ludril nag gsum/ bde mchog sdom 'byung/ bde mchog bong zhal can/ gsang 'dus rigs gsum/ dgra gdong 'jigs gsum/ gshed dmar sgo gnyis/ grub pa'i rgyal mo lha mangs la sogs pa zur bka' rnam par dag pa bdun cu don lnga tsam gyi mthar/ rgyud sde lnga'i dkyil 'khor chen po mngon par dbang bkur ba sngon du 'gro ba can gyi shangs pa bka' brgyud kyi dbang byin rlabs rang gis thob pa ma lus pa dang/ gzhan yang rnam sras rigs chen brgyad/ thugs dam lha lnga/ dam can dregs drug la sogs te zur bka' rnam par dag pa'i byin rlabs phran bu rang gis thos pa mtha' dag kyang rdzogs par phul/ srod kyi cha la ni gu chos drug sogs cung zad nyams su myong ba'i zab khrid rnams phul ba la thugs kyi dang ba stobs su gyur pa'i brnyel byang gi zin tho gnad bsdus 'doms che ba spel bar mdzad 'dug pa/ phyis mthong ba na yang rang nyid dad pa'i spu long