[A:191]g.yo zhing/ rang gis kyang chos kyi bya ba don chen du song ba'i yid bde 'bad med du skyes/ de nas slar yang khar sbas don gsal ba'i zab khrid kyi rim pa rgya cher phul zhing/ sbas don gsal ba'i khrid 'di thob pas/ bla med kyi rgyud thams cad kyi khrid phal cher thob pa'i tshul ni/ 'dir 'jigs byed kyi shin tu spros med dang/ gshed dmar gyi rnal 'byor bzhi khrid dang/ 'khor chen gyi gtum mo lam rdzogs kyi khrid la sogs pa dang/ rdo rje ra li'i khrid phyag rgya bzhi ldan 'dir 'dus pas/ dmar nag gdong drug 'jigs byed 'khor lo chen po/ rdo rje ra li rnams kyi khrid nyi shu rtsa bzhi dang/ de thams cad kyi mthar thug 'dus pa che las ston pa yin pas gsang 'dus rim lnga'i khrid/ lhan cig skyes sbyor gyi khrid/ sbyor drug gi khrid de khrid bco brgyad/ de yang bshad rgyud rdo rje phreng ba las/ rnal 'byor rgyud kyis rnal 'byor ma'i rgyud rtogs dgos par bshad pas/ bde mchog lhan cig skyes sbyor gyi rim lnga/ de yang mngon spyod rdo rje mkha' 'gro dang/ mkha' 'gro rgya mtsho rnams las man ngag bskus pa yin pas/ de gsum gyi rim lnga dang/ sdom 'byung gi khrid rim pa lnga dang/ rnal 'byor ma kun spyod kyi khrid zab lam de nyid gsum pa/ he ru ka sngon byung gi khrid rim pa lnga/ ma hA mA ya'i rdzogs rim gyi man ngag gdan bzhi'i rnal 'byor bzhi ldan/ dus 'khor las bla med kyi rgyud thams cad nges don du gnyis med rgyud du bzhed pas/ gnyis med rdo rje phreng ba'i smar khrid zab lam gsang ba/ gnyis med sam bu Ti'i lam 'bras te khrid bdun bcu rtsa gnyis/ rnal 'byor gyi rgyud nges don mthar thug dang bcas