[A:192]pa'i khrid brgya dang bcu gcig/ brtag gnyis las/ sngags kyi rim pa kun shes nas/ zhes pa'i tshul gyis rnal 'byor ma'i khrid kyang brgya dang bcu bzhi ste nyis brgya dang nyi shu rtsa brgyad/ dus 'khor gyi sbyor drug te nyis brgya rtsa dgu kun tu 'gro ba lhan cig skyes sbyor te nyis brgya sum cu yin la/ sbas don gsal ba'i khrid kyi rkang grangs rnams phul rjes/ slad nas 'jug pa'i sgo bzhi/ rig pa'i gnas lnga/ rim par phye ba gsum brgya drug cu/ rnam par nges pa stong phrag bdun cu rtsa gnyis/ le'u lag nyi khri chig stong drug brgya'i bdag nyid can gyi de nyid 'dus pa'i chos kyi rgya mtsho chen po'i snying po'i snying por gyur pa/ dal 'byor rnyed par dka' ba dang 'chi ba mi rtag pa bsgoms pas skyes bu chung ngu'i lam rdzogs/ las rgyu 'bras dang 'khor ba'i nyes dmigs bsgoms pas skyes bu 'bring gi lam rdzogs/ byams snying rje sogs nas byang chub kyi sems kyi bar bsgoms pas skyes bu chen po'i lam ste theg pa thun mong pa'i lam rdzogs so// sdig sbyong gi skabs su bya rgyud kyi bsnyen sgrub dang lam rdzogs/ tshogs gsog gi skabs su spyod rgyud dang bsnyen bsgrub kyi lam rdzogs/ bsags sbyangs gnyis med kyi skabs su rnal 'byor rgyud kyi bsnyen bsgrub dang lam rdzogs/ dngos gzhi la lta ba'i khrid/ bsgom pa'i khrid/ spyod pa'i khrid dang gsum yod/ dang po la zab pa lta ba'i mtshan nyid theg pa dang thun mong ba yin cing/ de la yang stong nyid dang 'brel ba'i lta bas dngos 'dzin 'gog/ mnyam nyid dang 'brel ba'i lta bas chos dang chos nyid 'dus byas kun mnyam 'dzin 'gog/ brjod med kyi lta bas brjod bya brjod byed kyi yul