[A:196]rnams chos yon du phul/ thams cad mkhyen pa bo dong ba nas brgyud pa'i dbang lung yid ches par thob mtshams/ lam bsrangs sngon gyi gnas rjes su blta ba dang/ gting skyes phyogs su dgos pa'i mgon po trakshad kyi chos skor zhu ba la gye re'i dben gnas dam par bsnyags/ rin po che gdan sa'i drung du trakshad kyi dbang bzhi rdzogs gnyos lo chen po'i thugs dam bris sku rgya gar ma khrag mthor mar grags pa'i spyan sngar zhus pas yid ches pa'i zil dang ltas legs par byung rjes/ nag po chen po gcer bu'i rgyud sogs sgrub skor rnams zhus/ lha sa sku mched yum sras rnams la'ang thugs bzhed gang yod kyi dbang bka' rjes gnang mang du phul/ mgon po'i bka' lung gi yon du/ gser gyi maNDal/ ja gos dar/ snam ras gya nom pa rang gi thugs dges pa bskang zhing/ gnas de nyid du lha pa rang gi phyag na bzhugs pa'i de bzhin gshegs pa'i 'phel gdung/ slob dpon padma'i sku nga thim ma/ tai lo pa'i zhabs rjes/ na ro pas mar pa la dngos su gnang ba'i bde mchog rdo sku/ sangs rgyas ston pa'i phyag dril sogs spyir ngo mtshar can gyi rten mjal rgya che ba dang/ khyad par gnyos rgyal ba lha snang pa rang gi thugs dam ya bzhi'i phyag bris dngos kyi phyag dpe mching khug ma dpe sna cig kyang ma nyams pa dang mjal bas snying gi ba spu lan brgyar g.yos/ dngos grub kyi dgos skal du 'phel gdung khyad par can dang/ gnyos chen po'i gsol lhung yang lag tu rang babs su byung bas dga' ba dpe med pas yid dga' mgur rangs pa'i ngang nyid nas/ lha pa sku mched gnyis kas dad pa'i spyan chab g.yo bzhin du gye re lha khang bar skyel