[A:197]thung gnang/ lam bsrangs 'bod mi'i dbang gis glang pa gser gling du bde bar son/ chos rje dkon mchog rin chen pa la zla ba gcig gi bar nyin mtshan sbrel ba'i dbang lung man ngag rgya cher phul ba/ khong pa rang gi gsan yig tu phebs pa la rnam grangs dgu bcu go gcig tsam byung 'dug/ de skabs ra lung du 'brug pa rin po che'i gdung rten la gser srang gang gi me tog 'bul mi brdzangs mthar/ dpal 'khor lo bde chen nas dbon chen pa rkang gtad nan bskyed kyi gsung ma chog pa 'tsher bzhin du phyin/ zla phyed tsam gyi ring dus 'khor rgyud 'grel/ sgrub thabs rgya mtsho/ grub chen brgyad cu sgrol ma nyer gcig/ spyan ras gzigs rigs brgya/ ni gu'i khrid/ dbang byin rlabs yongs rdzogs sogs mkhan chen rin po che nyid kyi bka' drin phebs pa'i dgongs pa rdzogs par bgyis shing/ rang gis kyang paN chen rin po che nas brgyud pa'i gsang 'dus mi bskyod pa/ bde mchog nag po pa/ gshed dmar lha lnga gsum gyi dbang dang/ rnam rtog 'od gsal dang bdud rtsi byin rlabs/ spros med kyi khrid lung rnams zhus pa'i yon/ phyag gser srang gang gis mtshon pa'i chos yon rgyas par phul zhing/ gnang sbyin yang ja sig gos bem sogs rgya cher gnang ba'i gos bem de nyid dang/ stag lung nas khyer yong ba'i dar chen lu haM gi snam sbyar rab tshad nyin cig kyang lus la ma reg pa de gnyis ka/ gser mdog can du sems dpa' chen po brag dkar ba bsod nams rgyal mtshan gyi sku 'dra na bzas phongs par 'dug zer nas phul/ dgun gyi reg bya dang/ dus chos sogs kyi dus btab la brten myur bar