[A:199]ltas me tog gi char dang/ dri bsung gi ngad/ ril bu 'phel stobs che ba sogs sgrib med du byung zhing/ ril bu sgrub pa'i skabs kyi ga Na tsakra'i dus gsum gyi pU dza sogs bzang la gya nom pa yang dad pa gsum stobs su gyur pa'i mi dbang chen po yab yum gyis yang dag pa'i tshogs spel/ gnam gang la mtshams kyi bcad bya bkrol nas/ tshes gcig la lam du zhugs te sman sdings ri bo rgyas pa'i mgul du lo chen snying gi thig le'i drung du ril bu'i phud dngos grub kyi skyes phul/ dgos dgur gyur ba'i bka'i shis brjod kyi me tog rna ba'i rgyan du byas nas byang phyogs chos kyi rgyal ba'i pho brang ga la ba der phyin/ sngar gting skyes su bsdod pa'i skabs dang/ lam du'ang yar rgyab nas mchod rten chen po'i rab gnas la 'bod mi rim can du byung yang mtshan ltas rtsub pas ma sleb cing/ ngam rings su sleb 'phral ti shri rin po che bzhugs 'dug pa'i drung du sbyong rgyud kyi dkyil 'khor bcu gnyis kyi dbang zhus pa'i thog mar dar kha gsum sbrel/ 'jig rten las 'das pa'i dkyil 'khor drug la do sbrel/ 'jig rten pa'i dkyil 'khor drug la kha yang re/ dbang grol rjes gser zho gsum dang bcas pa'i dbul ba brda mtshon tsam yang phul zhing/ de lo g.yas ru byang du phyag mo yang shin tu rtsub cing/ mnal ltas sogs kyang lhag par rtser ba dang/ thugs dog che ba rang 'dug pa nas/ sku rim la dmigs pa'i drug cu pa'i gtor bzlog zhi ba las thams cad pa'i bsregs blugs btab pa sogs rang blos ci mkhyud kyi legs tshogs spel bas mtshan ltas dge tsam dang/ chos rgyal mes dbon rnams kyi sku mdog legs par bsel kyang