[A:198]lam spyad nas gting skyes kyi chos grwar dge 'dun bdun cu tsam la lam 'bras rdzogs par bshad cing/ khyad par sde pa rin po che nyid kyi drung du dgongs bzhed kyi gtso bor 'dug pa nas bdag chen blo gros pa nas brgyud pa'i lam 'bras cha lag rdzogs par phul zhing/ brnyel bso'i zin tho sogs nan tan che ba rang gnang/ thun bzhi'i rnal 'byor phyag bzhes su thebs pa'i ngo mtshar gyi dpal 'dzin par mdzad/ de skabs gnas de nyid du bdud rtsi ril bu sgrub pa'i mdun pa mngon du btang/ dge slong bzhi bsnyen sgrub la nan tan gyi bskul cag ma rel ba'i gnad sbyor byas shing/ lam 'bras dang khong rnam pa'i bsnyen sgrub mthar phyin mtshams/ lam 'bras kyi chos yon rnams/ brag dkar nas mkhan chen rin po che spyan drangs phyag tu dengs par byas/ bsngo bas rgyas 'debs zhus shing/ snga gong nas bka' nan yang yang gnang ba ltar/ mkhan chen drung du bde mchog lU dril nag gsum gyi dbang/ ni gu'i byin rlabs dbang dang bcas pa zla phyed tsam phul/ nged rang gis kyang paN chen rin po che nas brgyud pa'i bsgrub thabs brgya rtsa/ rgya mtsho rjes gnang rdzogs par zhus shing/ gser zho gsum dang bdun cha legs par cig gis sna drangs pa'i 'bul ba cha mthun yang bgyis/ de mtshams g.yas ru byang nas bdud rtsi ril bu sgrub pa'i chas sman ltos che ba dang/ rje btsun grags pa/ chos rgyal 'phags pa sogs bla ma gong ma'i ril bu'i rta mtshan che ba gnang byung ba la gzhi blangs/ sa ga'i nyer gsum nas nyer dgu'i bar gyi zhag bdun la brgyud pa'i phyag bzhes ma log pa'i bdud rtsi sman sgrub spel bas/ phyi nang gi