[A:202]phyogs nas bteg pa'i bcu pa'i tshes lnga'i nub spyang lung chos sdings su 'byor/ dpal rin po che la gser sogs dpus dag gi phyag mjal btab/ rnal 'byor dam tshig gso ba'i lam dbang zhus/ lhun grub rdzong la brgyud/ dpal stag lung gi thang chen por son pa na/ gcung rin po che 'gro ba'i mgon po ras pa chen pos gtso mdzad/ grwa nang gling gsum 'dus pa'i dge 'dun gnam gyis sa bkab pa lta bus gdugs dang rgyal mtshan rol mo'i sgra dbyangs/ bdug spos kyi dud sprin sogs kyi rgyang ring po nas bsu ba'i bkod pa gya nom pas mdun nas bsus te 'dus pa'i dbus su bdag gzigs tsam nyid nas 'gro mgon ras pa chen pos gus pa'i brkyangs phyag kyang btab par mdzad pa mthong ba tsam gyis sems rtsis gtad med pa'i ngang nas zhal mjal legs par bgyis/ bkra shis pa'i dge mtshan yar dpe la bzhag pa'i ngang de nyid nas/ 'dus pa'i tshogs pa ma lus pa mchod khang chen mor gcung rin po che'i phyag phyir bkris nas rno rjeng ba'i dbang gzab rgyas su phul cing/ na ning gi skabs ltar tshogs chos la chos drug/ phyag chen/ dbang lung phran tshegs zla ba gnyis kyi ring rgyun chad med par chos kyi 'khor lo bskor rjes/ gling nang nas bsgom don gnyer kho na'i dad 'dus nyis brgya tsam dang lhan cig/ mchog gi sprul pa'i sku bzhugs pa'i bsti gnas bse gling gi ri khrod du 'phos nas ri chos skor gsum zhib bshad bgyis/ mchog gi sprul pa'i sku chen po nyid kyi zhabs drung du rdo rje phreng ba'i dbang 'bul ba dang/ snga gong gsan pa'i khrid thams cad pa'i brjed byang/ ngag las phyag bris su 'god pa