[A:203]gang zhing/ bdag nyid kyang kha tsam min pa sprul pa'i sku nyid la yid ches pa'i dad pa bla lhag tu skyes shing/ mgon po shA wa ras byin gyis brlabs pa'i mtshan ma yang nyid kyi mthu las byung ba'i yid gtan snying nas lhug par rnyed pa'i dbang las/ mar pa/ mi la/ sgam po ba/ phag mo gru pa/ bla ma zhang/ stag lung thang pa/ 'jig rten mgon po/ gling ras/ rgya ras/ rgod tshang pa rnams kyi bka' 'bum gyi lung/ 'brug skor gyi bcu gsum ma'i dbang/ rten 'brel/ ro snyoms/ bla sgrub/ bsre 'pho sogs nyid kyis 'brug pa rin po che la gsan pa'i bka' rgyud rin po che'i bka' chos thams cad bum pa gang byor thob pas thos brgya'i sgro 'dogs lhag par chod pa byung/ de skabs yar rgyab phyogs su zla ba bcu gnyis pa'i nang tsam la bya dka'i dbang gis yud tsam phyin skabs/ gzhung kre shing gi gdung brgyud pa spyan drangs nas/ rngog dkyil bdun gyi dbang/ rin chen rgyan 'dra'i bshad lung/ bsre 'pho/ chos drug sras mkhar ma/ gdan bzhi dang ma hA mA ya'i rdzogs rim mtha' dag dang/ bka' bsrung du gsol ma'i dbang lung la thug gi bar rdzogs par zhus/ 'bul ba dang zhabs tog cha mthun bsgrubs nas skyar log bgyis/ bse gling gi ri khrod nyid du zhabs kyi padmor son/ ji ltar thos pa'i chos rnams rdzogs par phul rjes/ slar stag lung gi chos grwar chen por bgrod nas/ gcung ras chen pa'i drung du rngog dbang bdun sogs dgongs pa'i dbyings yongs su bskangs zhing/ slad ma dbon rin po che bkra shis rgyal mtshan dpal bzang po'i drung dbu skra bsil/ tshangs par spyod pa'i gnas yongs su bzhes par