[A:211]'brel ba'i snying po don gsum gyi man ngag zhus te 'bral bar mi spobs bzhin du/ chos 'khor dpal gyi lha sa la brgyud nas yar rgyab phyogs su dbyar ring bsdad/ don gnyer ba 'ga' dang 'ga' la dbang bskur rdo rje phreng ba bgyis pa'i skabs shig gi rmi lam du/ dpal rin po che spyang lung pa nyid/ sku gzi 'od mchog tu brjid cing sngar med pa'i spyan ra nag po gsar pa zhig bzhes pa dang mjal bas zhal 'dzum mdzad cing kho bo ring por mi thogs par paN chen drung du 'gro zhes bka' bstsal pa'i ngang nyid la gnyid sad pas/ bla ma rtsibs ri ba sogs la rang re'i dpal rin po che de nyid ring por mi thogs par zhing brje bar snang/ nged la rmi lam gyi 'char sgo 'di tar byung zhes smras la/ slar bdag cag rnams gtsang phyogs la yong ba'i ngur mig tu rje btsun ma sgrol ma dang mjal ba'i tho rangs yang sngar bzhin sku'i rnam pa de rang la khyad par phyogs shig tu thebs pa'i rnam pas yid slong slong ba'i ngang la gnyid bsad pas/ bsams dus de ring gi tshes bcu 'di la bla ma dam pa de zhing bskyod pa min na rung snyam pa'i sems la zug ngu che che yang byung yang gzhan la smras pa ni med/
de nas rim gyis tshong 'dus su bgrod skabs rnam thar gyi zur 'debs mdzes rgyan de yang bris/
de nas kyang snar thang la bsgyur chu mig gi rje btsun gnyan sgrol byin rlabs can de dang yang mjal nas sgrol ma brgya tsam sku mdun du bton/ maNDal bzhi ba'i gsol 'debs byas nas/ stag la la bgyis tsha shod kyi la nas chos rje 'bum ram pa'i 'bod mi gnang byung bas/ seng ge rtse dang nye ba'i bye lung zer ba'i dgon chung dpe'u can