[A:210]gzigs//
chos sbyin bsam pas lha bcas 'gro ba'i yid//
yongs su tshim pa'i sbyin pa zang zing med//
bsod nams dpag yas gang des lus can rnams//
thar pa'i 'jug ngogs bde bar bgrod pa lags//
tshogs mang 'dus pa'i dbus na mngon mtho ba//
rgyu skar bye bas skor ba'i zla ba bzhin//
smra mkhas 'dzum dkar g.yo ba'i bsil zer gyis//
bskal bzang dad pa'i sku mud rgyas par byas//
e ma dus kyi mthar lhung bas//
phyogs 'dzin tshub mas kun du bskyod//
bzo gnas yid bde'i dpal 'dzin pa//
u dum me tog lta bur snang//
bstan la phyogs ris ma mchis shing//
bstan pa 'dzin la'ang nye ring ci//
rang gzhan phyogs su 'dzin pa'i cha//
rdul tsam yid la 'chang ma lags//
pha ni yongs su gso ba'i phyed//
ma dag bkum pa srid min ltar//
rang gi bstan pa spel ba'i phyir//
gzhan gyi bstan pa ji ltar bshig//
yongs la dag pa'i snang ba can//
phyogs dang ris su ma chad pa'i//
sangs rgyas bstan pa'i khol po pa//
yan pa blo bde kho nar bas//
'di na 'ga' yi chas dgas shing//
phal dang mthun par ma gyur kyang//
lhag bsam dag pa'i rang babs la//
rgyal ba sras bcas dgyes pa 'dzin//
de yang rang gi yongs su 'dzin pa'i dge ba'i bshes dpal rin po che spyang lung pa'i zhabs kyi padmor mngon par mchod de/ phyis nas zhal gyi dkyil 'khor mi mthong nges pa'i yid shes skyo ba'i dbang las bka'i tha mar yang dga' ldan gyi lam mngon par 'thob pa'i 'pho ba 'od kyi 'ja' tshub ma dang