[A:38]dang/ khro phu ba'i man ngag brgya rtsa'i lung/ snying po don gsum gyi khrid rdzong chos su nyan/ slar yang drung pa chos rje'i zhabs pad la btud de/ tshe dbang/ sgrol dkar/ rnam rgyal 'joms/ chos skyong gi bka' bsgo sogs lam gyi rkyen sel la dmigs pa'i chos bka' de rnams nyin re bzhin stsal nas/ nang par shar phyogs la thegs pa'i do nub srod kyi ja gral la spyi 'grogs slob gnyer ba kun la yang dag pa'i bka' bkod thugs tshas ma dor ba zhib rgyas su gnang zhing/ khyad par bdag la khyod na tshod shin tu phra ba yin yang da lta gzhung chen 'di tsam yod pas slob gnyer yang cha mthun yong ba'i re ba yod/ mdor na bslab sbyangs kyi yon tan che chung gang shes kyang rgyud zhi zhing dul ba la gnas dgos/ sems dang chos su ma 'dres na yon tan gyis mi phan pa'i gtam rgyud/ sngar bka' gdams kyi chos mang du thob pa'i tshe thos pa'i de dag ma brjed pa dang/ khyad par thos pas dregs nas bslab pa la khyad sod byas na/ ngan song du skyes tshe thos pas mi phan par/ zla ba sgron mes zhus pa'i mdo las/
ji snyed chos kyi rnam pas byang chub kyang//
thos pas rgyags te tshul khrims mi bsrung na//
tshul khrims 'chal pas ngan 'gror de 'gro ste//
de la thos pa mang pos skyob mi nus/ tshig bcad 'di snying la yang yang zhog/ mi lus rnyed/ tshul khrims rnam par dag pa bsrungs/ theg pa chen po'i chos la thos bsam byed rgyu yod pa bsod nams bsags pa yin/ nged na tshod rgas pa tshun dbus gtsang du sdod rgyu yong ba dka'/ gang sdod ring le lor ma song ba'i 'bad pa gyis/ spyir da lan brtag pa tshun 'tshub cing/ bar chad kyi sgo