[A:58]'dun dang bcas pa la bsnyen bkur 'bul 'gyed bzang po bsgrubs/ de nyin 'grub sbyor yod pas/ drung pa chos rje'i gdan sar mnga' gsol mdzad de/ chos rje rnam pa gsum kas phyag nas lhan du gnang zhing/ de dus re zhing du tshes lnga'i dus chen gtso bo la yong dgos nan bskyed byung ba la/ sha tsha'i nye sbyor ba 'ga' zhig na re/ sngar mdzad pa med pa la/ da res tshogs shin tu che ba yong bas/ sngon blo char na gtan mi bstub pas/ smon thang pa'i sde pa rnams kyi gdung rabs zhig kyang gzigs dgos/ yas gtam gyi dpe cha yang nan tan yang dag pa gnang dgos zhes bskul ma yang yang bgyid pa la/ mi chos kyi gdung rabs la slob gnyer byed pa rang blos cog pa dka' ba 'dra zhes zol gyi lan btab/ dus la bab pa na/ dpon sa gdung brgyud na rims re re nas lugs gnyis kyi bya ba ci dang ci mdzad pa de dag/ snyan par bsngags pa'i phreng bar spel ba/ gtsang zhing ma 'dres pa'i tshig sbyor rgyas pa ngang ba'i skad dang/ bung ba'i dbyangs ltar rjes su bsgrags pas tshogs pa thams cad mgu ba skyes/ de'i sang snga bar kha sang gral na yod pa'i slob dpon 'ga' zhig yongs nas/ drung gis kha sang gnang ba'i yas gtam de'i dpe cha g.yar pa gnang dgos zer ba la/ ngas kha nas gang thon byas pa ma gtogs dpe cha med byas pas/ bden bsam pa mi 'dug/ 'on kyang de nyin yas gtam btang ba phyogs go'i rnam pa rgyas 'bring bsdus gsum mdo skabs dang sbyar/ dgon par bsngo ba byed dgos nyin re la lan bzlas pa du mar dgos pa'i re re la yang mi 'dra ba'i rnam dpyad kyi khyad par re re sbyar ba'i byed tshig phun