[A:59]sum tshogs pa chos snang la brten spel bas/ mang du thos pa'i drang srong chen po gnas brtan bzang po brtan pa thugs lhag par nges shes 'drongs pa'i zol ma yin pa gzengs bstod dngos dang brgyud par stsol bar mdzad/ skabs der drung pa chos rje pa'i bka' las kyang bsngo ba 'di rang gzhan gyi legs byas thams cad spel ba'i gser 'gyur gyi rtsi'i sman mchog yin/ de la mi zad pa'i spobs pa'i sgos 'dus pa'i dge 'dun/ skye bo tha mal pa yang yid 'khrul thub pa'i ngag bzang po rtsol med du lhug par byung ba ngo mtshar che/ snga ma'i bsags pa dang yi dam gyi thugs rje'i mthu las rang ngo'i khengs sems kyis bcings na/ nga rgyal gyi bdud 'jug nyen che 'ong gsung/ dus skabs der gdan sa'i khur blangs pa'i dga' ston rnam gzhag la bzhugs khrir 'khod pa'i thog ma'i gnang sbyin/ drung pa chos rjes snam chos ngur smrig gi rgyal mtshan tshul khrims kyi dri gsung lhag par 'phro ba/ rgyun dan du dam tshig gi rten byar mdzad pa'i rgya dril/ khyad par rgyud sde bdun cu rtsa gnyis kyis lde mig gtad pa'i rmi lam byung/ rgyud bshad la 'gro don rgya che ba'i rten 'brel bsgrigs pa yin gsung/ rgyud gsum gyi glegs bam/ 'dren pa dam pa nyid kyis rwa ston chos rje'i sgrang chen la rgyu mdzad/ dam tshig glegs bam du byin gyis brlabs pa yang bstsal/ de mtshams rje bla ma yab sras so so'i mos gus kyi rten du na bza'/ gnang sbyin bsam gyis mi khyab pa/ sde pa dpon slob tha dad kyis bkra shis legs byas gya nom pa rgyun ma chad pas zla phyed bar dgon par thogs/ de bar rje yab sras gnyis ka brnyel bso'i rnam pas sku mtshams