[A:71]rakShi ta'i ched du 'phags pa rin po ches mdzad pa yin gsung/ spyi ljon dag ldan dang bcas pa'i don bsdu chung ngu rnams rtsa rgyud 'phags mchan gyi khongs su sbyar ba'i skyar chos/ 'phags pa'i yi ge'i steng nas dag pa gsum gyi khrid/ tog gsum skye TIka dang sbyar ba'i bshad pa 'khrul 'khor/ las tshogs so drug gi lag len dmar khrid du 'doms pa/ rgya ston dang/ lo tsA ba ma Ni ka'i TIkka gnyis la'ang mtha' chod du gnang ba'i dgag sgrub kyi gnas du ma la spobs pa'i snang ba bskyed cing/ 'bri khung dpal 'dzin gyi sngags kyi sdebs su gri nag po'i so 'debs dug sbral 'bar ba/ gnam lcags urmo sogs kyi 'byin 'jug gi zhal shes snyan brgyud/ skyo lugs kyi rwa rtse sems 'dzin/ mtshan mo rgyu ba mtshan ma gyen bsgrengs rnams lhan cig bsgrigs pa'i rdzogs rim gyi khrid/ de dang 'brel bar rgyab rten du bskyed rim gyi bshad pa/ 'jigs byed kyi sgrub thabs/ zhi khro rnam rol/ sems dpa' bsdus pa gnyis la'ang lam bsgrigs/ rang lugs 'gro mgon 'phags pa'i bla ma gnyan rin po che bstan pa'i mtshan nyid ji lta ba bzhin nges gzung du mdzad nas/ de las gzhan pa'i gnas la/ rje rin po che blo bzang grags pa'i dpal yab sras kyi bzhed pa rnams dgag yul du bzhag pa'i rigs pa'i tsher ma/ rtog ge ba dag gis bskal brgyar bsams kyang blo'i snang ba la 'char ba ma yin pa'i thal 'gyur gyis mtshon rnon po dpag med stsal ba yang dran shes kyi snod mi brjed gzungs kyi za ma tog nyid du bzhag pas/ phyis 'bras spungs su rje thams cad mkhyen pa dang mjal ba na/ gleng blangs kyi 'phros la blo yul du