[A:72]gnas pa rnams phul bas/ ya ya shin tu rmad du byung ri bo dge ldan pa'i dge ba'i bshes gnyen rnams/ yi dam rdo rje 'jigs byed kyi gleng brjod kho na yin te/ rgya gar gyi slob dpon chen po mi bskyod pa dang/ gzhon nu zla ba'i brgyud kyi 'grel pa las brtsams pa'i chos skad bzang po/ sngon gyi mkhas pa rwa skyo zhang gsum gyi bzhed pa phan tshun ma 'dres pa 'di lta bu'i legs bshad sngar ma thos pa ngo mtshar che ces rjes su yi rang ba bstsal/ mdor na gshin rje gshed dmar nag 'jigs gsum la rgyud rgya gzhung gi thos pa/ bla ma'i man ngag lag len/ rang gi bsnyen sgrub zlas pa rnams kyi sgo nas/ 'di kho na la sbyangs pa 'dra ba zhig byas/ rang gzhan la phan pa'i rmi lam gyi mtshan ma brtan po 'ga' re la brten/ drug cu pa'i gtor ma'i cho ga gcig gnyis bgyis pa'i skabs kyang/ kho bo nyid rdo rje khro bo chen po khams gsul vc: gsumnote>las rnam par rgyal ba'i rgyal thabs kyi ya lad rnam par bkra ba'i drag po'i rgyan ched du bdar bas/ klubs pa'i chas su zhugs te gshin rje mthar byed kyi bsnyems pa brtan pos/ bka' gnyan gyi khro bo'i sprin dang bcas pa'i rdo rje rnam par brtsen pa'i khro bo rol pa chen po'i stabs dang/ bgegs thams cad rnam par rnyed pa'i ting nge 'dzin dang/ chen po'i gzi byin mngon du bgyis te log par blta ba mtha' dag mthar bar byas pa'i zil gyis gtor ma bsnun pa na/ gnas der 'god pa'i mi thams cad kyang kyi bung zhes byed la/ mig bsdud mi shes pa ltar had de blta ba dang/ bdag cag gang na 'dug ces gcig gi lag pa la gcig gis 'ju zhing/ gar 'gro'i tol med pa gom pa gya