[A:73]tshoms su 'dor ba sha stag 'byung bas/ gtor lam gyi phyogs nyin lam gsum bzhi khyab par/ bdud klad 'gems pa'i cha lang drag po'i sgra lta bu rnam dbang ma nyams pa thams cad kyi spyod yul du gyur pa mngon sum gyi snang ba las ma 'das pa'i chos 'phrul chen po yang thogs med du byung ste/ thams cad dpang por gyur pa'i ngag kho na yin/ de ltar brag dkar du zab la rgya che ba'i gdams pa de ltar thob te sems tshim nas/ yar lam byams pa gling du zhag 'ga' bsdad pa'i skabs/ paN chen rin po che'i drung nas sngar 'di'i dmigs pa ma gsan yod pa shas che gsung/ rang byin brlabs kyi dmigs pa nyi shu rtsa dgu/ sam pu Ti'i rgyud dang sbyar nas bstsal zhing/ mi nyag pranydzA dzA la'i zin tho'i 'khor 'das dbyer med kyi dpe zhig la yang dris mal yang dag pa'i sgro 'dogs chod pa'i yid ches khyad par can bskyed par mdzad de/ slar drung pa chos rje'i drung du zla chos gcig gi ring la mgon po'i man ngag mkhas grub dpal ldan rdo rje la gsan pa'i gser pod du grags pa'i rje rdo rje 'chang gi dkar chag tu 'khod pa/ me 'bar mar btags pa'i bdag chen rin po ches phyogs gcig tu bsgrigs pa/ rwa ston chos rjes paNDi ta grags pa rgyal mtshan la gsan pa'i mal pod du mtshan gsol ba de gsum ka'i steng nas sngar ma thob pa rnams la lung bstsal mtshams/ khyod kyis bla ma rnam gsum la thob pa'i chos skyong gi bka' rjes gnang lung man ngag rnams yongs su rdzogs pa thob pas sems bde/ mgon po'i bsnyen pa 'di shin tu bar chad sdang bas nged ma shi ba la 'khyol ba zhig dgos pas/ gnang nub man sngar yi dam