[A:82]bgyis pa'i rjes/ rang lo nyi shu lon pa la thog ma'i gsung ngag rin po che dge 'dun brgyar longs la zla ba bzhi'i bar/ drung pa chos rje'i gsung rgyun phyag bzhes ji ltar bar chos thun gnyis su bcad nas bar chad med par mthar phyin/ lam 'bras grol rjes chos yon rnams rje drung 'bul ba bsagano ba zhu ba la rnam rgyal du phyin/ de nub man mtshams bsdams/ bde mchog gi bsnyen pa'i dbu btsugs/ zla ba lnga la legs par grub cing/ khyi phag byi ba glang stag yos kyi dpyid bde mchog gi grangs bsnyen re re/ dgun lam 'bras dus chos bstan ma chag par bshad/ lo bzhir phu phag tu bsdad nas mtshan ma phyed bar sgron me'i 'od la brten/ sa skya bka' 'bum gtso bor gyur pa'i dpe blta/ yun ring thung ma gtogs bsnyen pa'i skabs kyang ma chag par bltas/ de skabs rje btsun gong ma lnga'i gsung rab ma lus pa'i 'di na 'di yod kyi nges shes yig phreng phan tshun gong 'og ma 'khrugs pa'i rjes dpag/ nam dgos glegs bam zhal phye 'phral rang la rnyed pa'i stsol med shugs 'byung/ drung pa chos rje'i dus chen steng gur brtag sam gsum/ gsang 'dus mi bskyod pa/ 'jam rdor/ bde mchog lU nag gang rung lo res byas pa'i dkyil 'khor lnga re zhal phye zhing/ byi lo paN chen byams pa gling pa bde bar gshegs/ sngar gyi thugs dgongs sab phyir lo gsum gdan sa bskyangs pa'i rin/ dpal ldan byams pa gling gi dgon par rdo rje snying 'grel/ nA ro 'grel chen/ 'grel pa ku mu ti/ rnal 'byor sbyor 'phreng/ bde mchog bstod 'grel/ ratna rakShi ta'i bde mchog 'byung gi 'grel pa/ 'grel pa