[A:84]bla ma kham ston dpon slob drug cu skor gangs ri mtsho gsum skor ba la byon byung bas/ gtum mo lcags thang ma 'pho ba 'ja' tshub ma dang brel ba/ grub thob chen po thang stong rgyal po'i ni gu smra bsam brjod 'das/ dpe bris 'dzub btsugs ma'i nyams khrid gcer ston zhus/ bsgom chos kyis phongs pa'i skabs yin pas stor ba rnyed pa lta bu'i dga' spro byung/ bla ma rin po che 'khor bcas la dgongs bzhed ltar/ tshe dbang sogs lam gyi rkyen bsel byin rlabs sgo du ma dang/ rin po che pa nyid la 'bul ba gser gyi maNDal mtshon pa yang phul/ dbyar gyi dgag dbye'i mthar thug/ ljongs brgyud la rig byed kyi gzhung las 'byung ba'i gaM ga'i sgo dang ku sha 'khyil/
bil ba can dang sngon po'i ri//
ka Ni ka yi mjug ngogs su//
khrus byas yang 'byung srid ma yin//
ces bshad pa'i nang tshan/ mu mu Ni kShe tra ces pa grol ba'i zhing/ brtag pa gnyis pa las/
zhing ni mu mu nir bshad de/
ces rgyud kyis zin pa'i gnas chen/ ding sang zur chag gi skad/ mu khu ta kShe tra ces dzo ki rnams smra zhing/ yongs grags shing sdong brgya rtsa brgyad/ chu mig brgya rtsa brgyad dang bcas pa'i/ 'phral byang rwa sgre las kyang sems 'dzin pa/ rgya gar gyi rgyal po/ btsun mo/ sras/ blon po sogs lo dus kyi khrus kyi 'jug ngogs der/ bya dus btab ltar 'tshog cing/ sbyin gtong rgya chen po byed pa la bsnyags nas/ dzo ki/ dzaM gaM/ a pa dhu ta/ dzambhi/ kaM li/ sa nyA shrI/ dharmA tsA ri/ dhi gambha ra/ te rigs tha dad pa'i rnal 'byor pa dpag tu med pa 'du ba'i bsti gnas ga la ba der phyin pas/ de lo de bum rwa dza 'khor bcas