[A:104]por 'phyos pa/ bzang por sems dpa' 'ga' las/ dad pa can gyi so so skye bo grwa ma nyams pa zhig skal ba mchog tu gyur pa'o//
ces pa smra ba 'di nyid zol lam gcam bu ma yin te/ gnas don yang dag pa'i dpang por sgrib med kyi spyan ldan ma lus pa bzhugs shing/
mdor na yongs 'dzin de dang de'i//
khyad par slob ma dag gis 'byed/
seng ge'i phru gu pha nyid kyis//
rigs su nye bar mtshon pa bzhin//
zhes pa'i don dang ldan pa'i gnas brdzun med mngon sum gyis gsal ba la/ ma rungs pa'i yid can dag gis bsnyon btags rgyu ci yod/ de ltar ngo sprod zhu ba'i chig bsgril de la zhag bcu gsum dben pa bsten nas slar yang dpal mtshur phu'i gtsug lag khang chen po nyid du/ dad 'dus kyi skye bo du ma la/ ras chos gnang ba'i skabs der bdag cag nyung shas cig la jo mo lha lnga'i sindhu ra'i dkyil 'khor du bsod nams kyi tshogs kyi slad du 'jug pa dang 'brel ba'i rig pa'i dbang lnga/ tshul khrims kyi tshogs kyi slad du bum pa/ gsang ba/ shes rab ye shes/ 'jig rten pa'i dbang bzhi pa rnams grol lam ltar bskul nas/ ye shes kyi tshogs kyi slad du 'jig rten las 'das pa'i bzhi pa/ gcer mthong du ston pa ye shes rdo rje'i dbang gi chos sgo phye ba'i/ phyi nas maNDal dang yig brgya'i khrid kyis bsags sbyangs tshul bzhin du bgyis te/ gtum mo'i me dmigs nas khrid mdzad pa na/ dmigs pa kun kyang rnam par mi rtog pa dang gcig/ rnam pa thams cad pa dang gnyis/ lhan cig skyes pa dang gsum nyid kyi sgo nas phyag rgya chen po mtshan ma med pa'i rdzogs rim nyid kyi ngo bor gyur pa'i/ nA ro chos drug gi