[A:105]bgrod pa gcig pa'i lam mchog tu gyur pa yang bstsal te/ rang nyid kyis bsags pa'i snang ngor chos drug po re re'i khongs su chos lhag ma lnga kar 'du ba sogs kyi myong ba'i ri mo rnam par bkra ba dang/ de nyid kyang lam gyi srog rtsa/ bla ma chos sku'i mos gus gcig pu pa yid la mi byed pa kho na'i dbyings su 'dril ba dang/ de rtse gcig spros bral/ ro gcig sgom med sogs rnal 'byor bzhi gsum bcu gnyis su bshad pa'i/ ro gcig chen po tsam nas ni/ phyi rol mu stegs kyi lta bsgom spyod pa thams cad kyang phyag rgya chen por ro mnyam pa nyid du 'char bas/ mthun pa dang mi mthun pa'i spyad pa thams cad 'jig pa'i blo 'das kyis 'tshang khyad par can yang rig cing/ ras mtshor 'jug kar phag mo phur zhabs can gyi me dbang yang bstsal nas/ rgyal gyi nya la ras phud kyi phyag bzhes bar chad med par mthar phyin te/ zhag lnga bcu rtsa drug gi bar rgyun ma chad pa'i zab khrid kyi bka' drin mnos/ khams gsum gyi rwa ba las yongs su mi 'da' ba'i rnam par rtog pa'i nyid 'phrul can gyi mtshan bcas kyi rdzogs rim dang thun mong du ma gyur pa nyid yin no//
deng sang lce bde ba la nyams myong bzlos na mkha' 'gro ma'i bka' chad yong zer gyi 'dug ste/ mkha' 'gro ma la so rnon po yod na gzung bya'i nyan pa po phyir lus shing/ 'dzin pa'i 'chad pa po nang du lus pa'i gsang sgrogs pa rnams kyi sha la zo zhig/ stong gsal nam mkha'i rnal 'byor pa la ni mkha' 'gro mas cig kyang bya rgyu med pa yin no//
ras chos grol mtshams skyer sgang gi gnas mjal/ seng ge brag tu zhag brgyad tsam gyi ring der 'dus la