[A:106]'dod chos nyin mtshan sbrel nas bshad/ sngar gyi jo mjal de sems tshims pa zhig ma byung pas/ slar lha sar phyin gnas skor zhib rgyas bsam pa rdzogs par bgyis shing/ khyad par dngos grub kyi rtsa bar gyur pa'i mchog gi rdo rje slob dpon snying gi med rtse gtong rgyu zhig btsal la/ rgyud ma lus pa'i bla ma dang po'i sangs rgyas byang chub sems dpa'i 'grel pa skor gsum dang bcas pa zhu ba'i yul/ dbus nas lo paN chen rdor rgyal ba/ bla ma rin po che phra ri ba/ chos rje mkhas pa'i dbang po'i dbon/ gtsang nas jo nang mkhan chen pa kun dga' legs pa/ ti shri rin po che ses rab bkra shis/ lo chen rin chen bzang po bdun la zan ril jo bo'i phyag tu phul bas/ lan gsum btud mar lo chen nyid bdag gi dngos grub kyi rtsa ba rdo rje slob dpon chen por bsnyems bral yid ches par lung bstan pa ci nas kyang ma brjed par snying la bzhag/ yol phu ri gong gi gnas mjal la rkang gtad phyin/ gnyan ston sbas pa'i rnal 'byor gyis bzhengs par brtsams pa'i mgon po rang byon gyi drung du/ sngar rang yul nas yongs dus kyi zhe 'dod kyi gtso bo shangs pa bka' brgyud kyi chos rdzogs pa zhig zhu ba'i bla ma/ rin po che rgyal ba'i 'byung gnas/ ba bom pa dkon mchog 'byung gnas/ bya rgod pa kun dga' rgyal mtshan/ brag nag pa kun dga' rgyal mtshan/ rin po che lcags po rtse ba/ rgyal sgom legs pa rgyal mtshan/ gzad pa dpal ldan blo gros rnams kyi mtshan so so zan rim du bgyis pas/ thog mtha' gnyis la rgya sgom dang/ bar du lcags po rtse ba thon byung bas/ shangs phyogs la chos zhu don gnyer la lam