[A:107]srang/ sha ra gru kha nas phyin gser mdog can la btang/ nged dpon slob lngas chu byang lam bsrangs phyin pas/ 'u yug dgon pa dkar po na bla ma rin po che phra ri ba bzhugs pa'i drung du sleb/ zhag gnyis ngal gso bsten/ rwa lnga rtser zhus pa'i sgrol dkar gyi tshe khrid/ karma pa rol pa'i rdo rje'i zab khrid de nyid dang/ rtsa ri zhing skyong gi rjes gnang/ dpa' dbo rnam par rol pa'i lung/ lha mo 'od zer can gyi lam bsrungs rnams zhus nas 'u yug gi phu'i la rgal/ rab brtan chos lung du slebs pas/ de nub man 'brum bus btab/ lam gyi babs dang/ la brgal chu thon gyi stabs shin tu sdug par byung yang/ chos zab po nyan pa'i las kyi klong yin snyam blos longs shing/ bsags sbyangs la bogs che bar byung/ der na ba yar bso'i skabs nas rgya sgom ri khrod pa chen po spyan drangs/ thog mar rgyud sde lnga'i dkyil 'khor chen por dbang bskur zhus shing/ de mtshams shangs pa'i tshogs chos sngon 'gro mi rtag skyo shas kyi nyams khrid chen mo bstsal nas/ rtsa ba'i chos drug/ bka' drug dang dmigs pa spel ba'i myong khrid/ sdong po phyag chen kha'u ma'i don khrid dbang dang 'brel ba/ lam 'khyer gyi 'jug sgo'i byin rlabs so sor zhus nas/ bla ma/ yi dam/ dug lnga lam 'khyer dmigs khrid/ mkha' spyod dkar dmar byin rlabs dang 'brel bar lta khrid/ sems 'chug gnyis kyi gnad bsdus ngo sprod kyi khrid so so/ mkha' 'gro su kha ma nas brgyud pa'i bdag med ma'i nang khrid/ gsang sgrub lte ba sprul 'khor/ gzer lnga gnad sdems lhan cig pa'i nyams khrid/ mgon po snying zhugs kyi dmigs khrid/ mthar dag