[A:117]tshang/ dar chen dmar po kha gang rnams phul/ bzhugs gdan la 'khod mtshams/ grub chen dpal lhun pa la gnang ba'i zhar chos/ bka' 'grel gyi thog mar/ sha wa ras dam pa rgya gar la gnang ba'i do ha'i brda glu de gnang byung ba'i mod la lus rang dbang med par g.yos/ snang ba thams cad skra shad 'dzings pa lta bu pa tra ris 'khor mor 'khor ba/ khyad par byin rlabs zil chen rgyas pa'i lo chen nyid kyi sku pang na sgyu 'phrul dra ba'i ltad mo chu klung dwangs pa'i rgyu skar ltar ma 'dres gsal bar mthong ba'i sems nyams ban ma bun de'i ngang la/ grub chen pa lus nyams chen po'i byin phebs te 'khrab cing 'o dod 'bod/ bzhugs nas kyang sa g.yo ba'i stabs nas 'dar phir phir 'dug go//
de lo rgyal bar grags pa yi//
chu stod zla bar byang phyogs brgyud//
ri bo rgyas pa'i mgul pa der//
bdag gi bla ma lo tsA ba//
phyag na badzra zhal mjal tshe//
rmi lam nyams kyi mig 'phrul las//
mngon sum 'gongs pa min pa'i nyams//
sgyu ma'i rmi lam las bden pa//
de 'dra de ni mngon sum ste//
pha de'i drin las byin chen phab//
na da'i rang sgra gsal bar gyur//
dbugs 'byin dang po'i nges pa'o//
de nas dge bshes gnyis pa zhig drung du sleb byung pa la/ gral gong na bzhugs pa de/ ngam rings chos sde chen po'i chos khrims kyi khur bab pa la/ dge 'dun dang 'brel ba'i spyi rdzas la gtan mi 'bag pa'i dam bca' rlabs po che lo chen gyi phyag mgo thog tu langs nas len gyi 'dug pa'i mtshams/ kog tsho nas byang sems chen mos ga Na tsakra'i pu dza gya nom pa zhu ba la byon byung/ dus der