[A:118]nged rang bya btang khungs ma'i kun spyod sle bem gyon pa'i snyoms chung de la mig bltas che bar 'dug/ der gzims spyil yang sa g.yo'i 'jigs pas drum pa la brten/ dpon slob kun phyi na bzhugs/ spangs stongs las char skyibs sogs mi 'dug pas/ nub mo lhun sdings gnas tshang du nyal/ nyin re bzhin zab ma chad par chos zhu la drung du bsnyegs/ thog mar sngar bka' thor phebs pa ltar dus 'khor snyan brgyud kyi gdams pa gcig shes kun grol gyi nyams khrid chen mo chig brgyud du bstsal bas nges shes lhug par skye ba byung/ grub chen man lung pa chen po nas da lta'i bar yi ge med pa'i snyan rgyud kho na yin par 'dug cing/ dmigs pa'i sdoms dang ngo sprod kyi gnad la gsung bgag gi tshigs bcad 'ga' re'i zhal slob len dgos rnams rtsis gtad med pa'i nyams ban bun des blo la gtan ma chags par/ nged yul phyogs la myur du 'gro bas stabs thug/ pha lo tsA bas phyag bris dngos kyi zin tho gnang/ phyis blo la nges nas dpe mi spel bar drang srong me lha la 'bul ba'i bka' rgyas gdams/ der rmi lam gyi snang cha brtan po bslu ba med pa'i nges shes gsal mthong du phebs/ mchog dbang sngon du 'gro ba'i rdo rje gsungvc: gsum?gyi bsnyen bsgrub/ grub thob o rgyan pa chen po'i dngos slob rtogs ldan zla ba seng ge'i lugs rdzogs par dgyes bzhin du stsol bar mdzad pa'i tshe/ bka' 'grol du phyag gser srang gang gi maNDal phul nas zhus/ bsnyen sgrub rdzogs mtshams jo zhal chu bo gnyis 'dus las brgyud pa'i zab lam rdo rje rnal 'byor gyi thog mtha' bar dge so so/ ngo sprod gcer mthong ngo shes dang gsang don rab gsal/