[B:40a]pa'i dpa' bo gtum po chen po bha Ta dang / dam nyams kyi sha khrag gi dri tshor na rkan sgra rdeb cing rgyug pa la brtson pa sring mo khrag mig ma'o/ / yar khyu'i nub kyi gdong na mdun gyi ru 'dren bud med nag mo khros pa/ de'i rgyab na g.yas kyi ru 'dren skyes pa stag chas kyis brgyan pa/ shar gyi gdong na g.yon gyi ru 'dren dgra bcom mkhar gsil thogs pa/ de'i rgyab na rgyab kyi ru 'dren sngags nag phur bu thogs pa'o/ / ka gdong g.yas [A:128]g.yon gnyis na nag po chen po lcam dral gyi 'cham sku khams gsum zil gyis gnon pa me 'bar mar grags pa gnyis bzhugs so/ / de yang sngar gtsug lag khang bzhengs dus kyi lag dpon dang / phyis dkon gnyer dpon mdzad pa'i rig 'dzin gu ru sangs rgyas zhes pa skabs shig na bar chad kyi rnam pas/ them mi 'da'i mchod rdzas kham che ba 'ga' shas khyer de phyogs gzhan du byon/ de dag tu 'tshub 'gyur gyi rnam pa che bas/ slar bshags snga ma dang bcas te ma tshang ba med par phul na yang / de rjes 'cham sku che ba'i zhal ras la dri phyis byas dus zhal nas me mngon sum du 'bar bas sngangs shing skrag par gyur la/ de nas mi ring bar sku tshe'i 'du byed btang bas de phyin chad nas me 'bar mar grags pa yin no/ / de gnyis kyi sku mdun na bstan pa spyi'i dgra bgegs sogs zhing bcu tshang ba bkug ste sgrol bar byed pa'i 'brub khung zabs su 'dom gang tsam ngos rnams la ro sol dang gri khrag gis byugs pa/ steng du gnam sgos bcad pa dang bcas pa'i bkod pa dang / sku thams cad ni khro la rngam pa 'jigs pa'i nyams can du bzhugs pa'i mgon [A:129]po'i khang pa logs rnams la dur khrod rol ba'i bkod ris bsam gyis mi khyab pas brgyan pa/ der bgrod pa tsam gyis bag tsha zhing skyi g.ya' ba sngangs par byed pa bsil ba tshal chen lta bu'i gnas chen na/ rgyun gtor/ rtag gtor/ thun gtor la sogs pa'i gtor tshogs dang / gos skud nag po 'ba' zhig las grub pa'i mdos chen gsum dang / gzhan yang go mtshon/ dar phan/ stag gzig la sogs pa'i spyan gzigs sna tshogs pa dang bcas pa'o/ / de'i steng gzhal