[A:313]མཚར་ཆེ། །མཐོང་བ་ཙམ་གྱིས་ཉམས་རེ་དགའ། །དེ་ཕྱིར་བསམ་གྱི་བློ་རེ་བདེ། ། ལུས་འཕགས་གླིང་ལ་དཔེ་བླངས་ནས། །ཤར་གྱི་ལྷ་ཁང་གསུམ་པོ་འདི། །རིན་ཆེན་ལྔ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །ང་ཡི་ལྷ་ཁང་ངོ་མཚར་ཆེ༑ ༑མཐོང་བ་ཙམ་གྱིས་ཉམས་རེ་དགའ། །དེ་ཕྱིར་བསམ་གྱིན་བློ་རེ་བདེ། ། འཛམ་བུ་གླིང་ལ་དཔེ་བླངས་ནས། །ལྷོ་ཡི་ལྷ་ཁང་གསུམ་པོ་འདི། །རིན་ཆེན་ལྔ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །ང་ཡི་ལྷ་ཁང་ངོ་མཚར་ཆེ། ། མཐོང་བ་ཙམ་གྱིས་ཉམས་རེ་དགའ། །དེ་ཕྱིར་བསམ་གྱིན་བློ་རེ་བདེ། །བ་གླང་སྤྱོད་ལ་དཔེ་བླངས་ནས། །ནུབ་ཀྱི་ལྷ་ཁང་གསུམ་པོ་འདི། །རིན་ཆེན་ལྔ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །ང་ཡི་ལྷ་ཁང་ངོ་མཚར་ཆེ། ། མཐོང་བ་ཙམ་གྱིས་ཉམས་རེ་དགའ། །དེ་ཕྱིར་བསམ་གྱིན་བློ་རེ་བདེ། །སྒྲ་མི་སྙན་ལ་དཔེ་བླངས་ནས། །བྱང་གི་ལྷ་ཁང་གསུམ་པོ་འདི། །རིན་ཆེན་ལྔ་ལས་གྲུབ་པ་སྟེ། །བརྩིགས་པ་མི་འདྲ་སྐྱེས་པ་འདྲ། །ང་ཡི་ལྷ་ཁང་ངོ་མཚར་ཆེ། ། མཐོང་བ་ཙམ་གྱིས་ཉམས་རེ་དགའ། །དེ་ཕྱིར་བསམ་གྱིན་བློ་རེ་བདེ། །ང་ཡི་ཡཀྵ་གོང་འོག་འདི། །མཁའ་ལ་ཉི་ཟླ་ཤར་བ་འདྲ། །ང་ཡི་བཙུན་མོ་གླིང་གསུམ་འདི། །གཡུ་ཡི་མཎྜལ་བཀོད་པ་འདྲ། །ང་ཡི་མཆོད་རྟེན་དཀར་པོ་འདི། །དུང་དཀར་གཡས་སུ་འཁྱིལ་བ་འདྲ། །ང་ཡི་མཆོད་རྟེན་དམར་པོ་འདི། །མེ་ལྕེ་གནམ་ལ་བསྙེགས་པ་འདྲ། །ང་ཡི་མཆོད་རྟེན་སྔོན་པོ་འདི། །གཡུ་ཡི་ཀ་བ་བཙུགས་པ་འདྲ། །ང་ཡི་མཆོད་རྟེན་ནག་པོ་འདི། །ལྕགས་ཕུར་ས་ལ་བཏབ་པ་འདྲ། །ང་ཡི་མཆོད་རྟེན་ངོ་མཚར་ཆེ། །མཐོང་བ་ཙམ་གྱིས་ཉམས་རེ་དགའ། །དེ་ཕྱིར་བསམ་གྱིན་བློ་རེ་བདེ། །དེ་ལ་སོགས་པ་དགྱེས་པའི་གླུ། །སུམ་ཅུ་རྩ་གསུམ་ལྷ་དབང་