[A:127] bstan pa lnga brgya phrag bcur gnas pa'i lung gi dus gsum las mngon pa spyod pa'i dus 'das te/ mdo sde spyod pa'i dus las lo gnyis rdzogs nas lhag ma la lo bzhi brgya dang go brgyad/ 'dul ba'i dus lnga brgya phrag gcig ste/ bstan pa mtshan nyid pa lo dgu brgya dang go brgyad/ rtags tsam 'dzin pa lnga brgya ste/ stong bzhi brgya go brgyad slad nas 'byung bar gsungs so/ /
shes bya rab gsal nas sangs rgyas mya ngan las 'das nas lo brgya lon dus rgya gar du chos rgyal mya ngan med byon/ bka' bsdu bar ma'i sbyin bdag mdzad pa yin gsungs/
'di ni zur tsam bsdus pa yin gyis/ rgyas par 'dod na/ mdo sde dang / 'dul ba lung na gsal lo/ /de tsam gzigs par mi nus pa rnams kyis bu ston rin po che'i chos 'byung dang / bla ma chos kyi rgyal pos mdzad pa'i shes bya rab gsal/ chos rje bu ston gyi bzhed pa dang mthun pas zhib par gzigs shig dang po bskal pa ji ltar chags pa nas/ rgya gar gyi chos rgyal rim par byon pa dang / ston pa shAkya thub pa 'jig rten du byon nas dam pa'i chos dar ba'i le'u ste dang po'o/ /
gnyis pa/ sangs rgyas shAkya thub pa'i sku gsum bzhengs pa dang rab tu gnas par mdzad pa'i skor/ de nas sngon bcom ldan 'das rgyal byed kyi tshal na 'khor rnam pa bzhis bskor te bzhugs pa'i dus su/ 'phags pa 'jam dpal gyis gsol ba/ bcom ldan 'das da lta'i dus su 'gro ba sems can rnams zhal yang khyed la lta/ mchod pa yang khyod la 'bul/ bsod nams kyang de la brten nas bsog pa la/ khyod dgongs pa mya ngan las 'das nas sems can rnams tshogs bsog pa'i rten med pas/ sems can thams cad kyi tshogs