[A:252]yan lag tu dge drung gi lha khang btab/ de'i sgrub pa rtse'i brag phug tu byas so/ / dpyi mgo g.yon gnon pa'i phyir du/ grub pa rgyal dri med rnam dag gi lha khang bzhengs/ de'i yan lag tu 'bre'i lha khang btab/ de'i sgrub pa rgyang gi brag phug tu byas so/ /de nas yang 'dul gyi lha khang bzhi brtsigs pa ni/ gre mo g.yas gnon pa'i phyir/ shar stag gi mgo steng du/ kong po bu chu'i lha khang bzhengs/ gre mo g.yon gnon pa'i phyir/ lho 'brug gi ze steng du/ lho brag mkhon mthing gi lha khang bzhengs/ pus mo g.yas gnon pa'i phyir/ nub phyogs bya dmar po'i sgal steng du/ byams chen dge rgyas kyi lha khang bzhengs/ pus mo g.yon gnon pa'i phyir/ byang rus sbal gyi dpral steng du/ pra ngan tse'i lha khang bzhengs/ des kyang ma thub dogs na/ ru gnon gyi lha khang bzhi bzhengs te/ lag mthil g.yas gnon pa'i phyir/ khams su glang thang sgron ma'i lha khang mi nyag gis lag dpon byas nas bzhengs/ lag 'thil g.yon gnon pa'i phyir/ lho phyogs su bum thang skyer chu'i lha khang tho dkar gyis lag dpon byas nas bzhengs/ rkang mthil g.yas gnon pa'i phyir/ nub dpal kha che'i gnas su/ mtshal rig shes rab sgron ma'i lha khang bal pos lag dpon byas nas bzhengs/ rkang mthil g.yon gnon pa la/ byang phyogs su tshangs pa rlung non gyi lha khang hor sba dpal dbyangs kyis lag dpon byas nas bzhengs so/ /gzhan yang shar du ka chu/ kang chu/ gling chu gsum/ nyi zla gza' skar gtan la 'bebs pa'i phyir du bzhengs so/ /lho ru snyal snang gro lha khang / gling thang gnyis/ me lha drang srong bsgrubs te me'i kha gnon du bzhengs/ nub tu gu lang shing khun gnyis/ bal bod kyi so mtshams