[A:253]bsrungs te chu'i kha gnon du bzhengs/ byang du dge ri dang dpal ri gnyis/ lha klu 'dre srin dam la btags te rlung gi kha gnon du bzhengs/ de rnams bzhengs pa'i byin rlabs kyis/ nyi 'og gi rgyal khams zil gyis mnan te/ ra sa 'phrul snang gi gtsug lag khang bzhengs pa la/ 'gal rkyen bar chad med par lhun gyis grub pa'o/ /de nas khri btsun dang kong jo gnyis kyis/ ra sa 'phrul snang gi gtsug lag khang dang / rgya stag ra mo che'i gtsug lag khang gnyis kyi ri mo gang dang spyi yongs su rdzogs pa rnams la zla ba bcu gnyis re 'gor te lhan du tshar ro| |rgyal pos kyang mtha' 'dul yang 'dul gyi gtsug lag khang rnams yongs su rdzogs pa tshar te/ slar khra 'brug tu phebs nas/ sangs rgyas kyi bstan pa rin po che la bkur sti dang / phu dud du mdzad nas/ rab tu byung ba'i rtags yod pa tsam la yang / mgo'i thod ltar du khur zhing gus pas phyag byed la/ nga'i blon 'bangs rnams kyis kyang de bzhin gyis shig gsungs te/ phyi rol du byon pa dang / sbrul bsad pa'i sdig bshags su bzhengs pa'i mchod rten rtse lnga de'i drung na| sprang ban rgan po gcig bla gos hrul po zhig bting nas shig thu gin 'dug pa rgyal pos gzigs pa dang / sprang ban de la rab tu byung ba'i rtags 'dug par mkhyen nas/ rgyal pos phyag mdzad do/ /der rgyal po'i zhal nas/ bdag ni rgyal khams la dbang thob pa'i rgyal po zhig yin na'ang mtha' 'khob kha ba can gyi ljongs 'dir sangs rgyas kyi bstan pa nyi ma shar ba lta bu zhig byed par 'dod nas/ gtsug lag khang mang po brtsigs/ de rnams kyi nang du sangs rgyas kyi sku gsung thugs kyi rten mang po bzhengs nas mchod pa byas/ rab tu byung ba'i