[A:255]tshar te/ rgyal po spyan drangs nas/ po ta la'i rtser phebs so/ /de'i sang khri btsun gyis gtsug lag khang gzigs par 'bul ba la/ spos dang rol mo sna tshogs pa dang bcas te/ rgyal po blon po'i tshogs dang bcas pa 'phrul snang du spyan drangs so| |der khri btsun gyis lha khang gi sgo phyes nas/ rgyal po nang du byon par bzhed pa la mthil gyi zha la chu'i mdog lta bu/ steng phyogs kyi gzugs brnyan thams cad de la shar ba gzigs pas/ sngar gyi mtsho 'di brdol 'dug dgongs nas/ nang du 'byon ma nus pa dang / khri btsun gyis sor gdub phud de gtor bas/ khyag thog khar rde'u bskur ba bzhin khrol gyis song ba dang / rgyal pos gzigs pas thugs ches te nang du byon no/ /der khri btsun la khyed kyi lha khang 'di 'phrul du snang ngo gsungs/ dang po ra la sa bkal nas mtsho bsrubs/ de nas rgyal pos 'phrul du snang ngo gsungs pas/ ra sa 'phrul snang gi gtsug lag khang zhes yongs su grags so/ /de ltar rgyal pos lha khang nang gi ngo mtshar che ba rnams gzigs pas/ 'di lta ste/ ngo mtshar 'gran med rgyal ba'i gzhal yas khang / / yon tan mtha' yas rab tu mdzes pa ste/ /gzhi ma gru bzhi lhun gyis grub pa la// zur chen bzhi ni g.yung drung ris su byas/ /sgo yi ri bzhi dkyil 'khor lta bur bzos/ /mthil gyi zha la baiDUrya yi mdog /steng gi ri mo nya dang chu srin rnams// me long nang gi gzugs brnyan ji bzhin no/ /steng 'og gnyis kyi ka ba thams cad ni/ /rab tu mdzes pa rdo rje phur pa'i bzo/ /ka gzhu gdung dang gdung khebs mchod rten brtsegs/ /bzo yi rnam 'gyur ngo mtshar 'gran zla med/ /phyi nang gab spangs ka gzhu thams cad la/ /sngon gyi sgrung brgyud gsal bar 'bur