[A:256]du brkos/ /steng 'og gnyis kyi mthongs kha'i lcam sna la/ /seng ge dkar mo g.yu ral rgyan dang bcas/ /brgya rtsa brgyad ni mchong ba'i tshul du gzigs/ /de yi steng du mu tig dra ba can/ /g.yu pad sngon po indra nI la'i mdog /steng gi rtsig pa pha gu dra phyed dang / /mda' yab pu shu rin chen rgyan gyis mdzes/ /'od zer stong ldan gser gyi gandzi ra/ /sna tshogs dar gyi cod pan du ma dang / /rnga yab dril bu g.yer kha'i rgyan dang bcas/ khor yug kun tu lcags kyi thag pas sbrel/ /de ltar ngo mtshar dpag med rgyan bkod pa'i/ /'og gi btsan khang dbus ma'i gzhal yas na/ /'gro ba skyob mdzad skyabs sbyin phyag rgya can/ /
de dus kyi gtso bo de sangs rgyas mi 'gro gsung byon yin/
mtshan dpes rab brgyan tshogs gnyis dpal gyis brjid/ /sangs rgyas mar me mdzad ni sprul sku la/ /'khor ni nye ba'i sras brgyad bzhengs pas bskor/ khro bo gnyis kyis sgo srung mdzad pa gzigs/ / btsan khang g.yas na sangs rgyas 'od dpag med/ /li khri'i mdog can mnyam gzhag phyag rgya can/ /ngo mtshar dpag med mtshan dpe'i rgyan gyis mdzes/ /spyan ras gzigs dang mthu chen thob la sogs/ /nye ba'i sras brgyad 'khor gyis bskor ba ni/ /pad zla'i gdan la rdo rje phyed krung bzhugs/ /sgo 'gram g.yas na gsang ba'i bdag po ni/ /nam mkha'i mdog can rdo rje mkha' la phyar/ /sgo 'gram g.yon na khro rgyal sme brtsegs ni/ /byi ru'i mdog can grib sel tshul du bzhugs/ /btsan khang g.yon na rje btsun byams pa ni/ /chos kyi 'khor lo bskor ba'i phyag rgya can/ /gur gum mdog can mtshan dpe'i dpal gyis brjid/ /phyi nang mchod pa'i lha mos bskor ba ni/ /ngo mtshar dpag med rab mdzes 'gying