[A:129]phung po chen po gcig rnams bzo bo bi shwa karma'i mdun du spungs so/ /der bzo bo bi shwa karmas kyang / rin po che de rnams bzhu btul lugs su blugs pa la brten nas/ bcom ldan 'das kyi chos kyi sku'i rten dbyibs ni mchod rten/ che chung gi tshad la lha tshangs pa'i 'dom gang yod pa/ kha dog du ba lta bur yod pa zhig bzhengs/ rten de la ni sangs rgyas nyid kyis rab gnas mdzad de/ me tog 'thor zhing byin gyis brlabs par mdzad do/ /de nas chos sku'i rten mchod rten de lha'i yul du gdan drangs te bzhugs pa las/ ye shes kyi mkha' 'gro ma rnams kyis nub phyogs u Dyan gyi yul du gdan drangs te/ sa la ma babs par bar snang gi nam mkha' la bzhugs so/ /dpal reg pa med pa'i mchod rten zhes grags so/ /lha'i yul na byon pas lha las babs pa'i mchod rten zhes kyang grags so/ kha dog du ba lta bur yod pas du ba lta bu'i mchod rten zhes grags so| |de nas longs spyod rdzogs pa'i sku'i rten bzhengs pa'i bzo rgyu la/ khyab 'jug gis rin po che indra nI la'i phung po chen po gcig margad zhun ma'i phung po chen po gcig chu shel zhun ma'i phung po chen po gcig rnams bzo bo bi shwa karma'i mdun du spungs so/ /der bi shwa karmas rin po che de rnams bzhu btul lugs su blugs pa la brten nas/ sangs rgyas kyi longs spyod rdzogs pa'i sku'i rten chu zheng gab pa la dpag tshad brgyad cu yod pa/ sku'i ngo bo gangs can mtsho rgyal/ phyag gnyis mnyam gzhag tu yod pa/ sku mdog mthing ga dbu'i spyi gtsug na chu shel bum pa tsam zhig yod pa/ bzhugs gnas phyi'i rgya mtsho chen po la bzhugs shing / sku lte ba man chad chu nang du nub ste/ mtsho nang na gnas pa'i