[A:130]sems can gyi don mdzad/ sku lte ba yan steng na yod de/ skam na gnas pa'i sems can gyi don mdzad/ bya rnams kyis dbu thog dang dpung khar bsdad bya thal bdal bas/ sku mdog mthing ga yod kyang dkar po co ger bzhugs so/ / tshes bco lnga'i nub mo dbu'i chu shel la 'od phog pas/ chu mtshan ma med pas sku khrus gsol lo/ /phyi'i rgya mtsho la nor bu len pa'i ded dpon gyis rten de'i gru mo khug gyi nang la gzings bcug ste mchod pa phul bas ci 'dod pa'i nor bu lon no/ /rten de'i rgyab mdun gnyis la gro skad re re yod do/ /de la ni sangs rgyas kyis rab tu gnas par mdzad do/ /me tog 'thor zhing byin gyis brlab par mdzad do/ /de nas sprul pa'i rten bzhengs pa'i bzo rgyu la/ brgya byin gyis lha'i rin po che rnam pa lnga ni/ indra nI la/ indra go ba/ mthon ka mthon ka chen po| bkod mdzes dang lnga'o/ /mi'i rin po che rnam pa lnga ni/ gser/ dngul/ mu tig mu men/ byi ru dang lnga'o/ /gzhan yang rin po che sna tshogs bsags te/ ston pa dgung lo bcu gnyis pa'i sku tshad bzhengs par 'dod pa la/ yum skye rgu'i bdag mo na re/ dgung lo brgyad lon dus/ lumbi'i tshal gyi khri'i mtho dman dang / de tshun phyag g.yas pa'i srin lag nang du bskums pa byung / dgung lo bcu gnyis lon dus/ gnyan yod sgo mo che'i ma them la zhabs reg pas/ ya them la dbu reg pa yin zhes tshad bstan pas/ der bzo bo bi shwa karmas rin po che rnams lugs su blugs pa la brten nas/ sprul sku dgung lo bcu gnyis pa'i tshad/ sku mdog gser btso ma phyag gnyis mnyam gzhag dang / sa gnon du yod pa| mtshan dang dpe byad kyis brgyan pa/ zhal mthong ba tsam gyis dug gsum gyi