[A:257]ba'i tshul/ /pad zla'i gdan la rdo rje phyed krung bzhugs/ /btsan khang lho na mi bskyod rdo rje ni/ /mtshan dpes rab brgyan sa gnon mnyam gzhag can/ /'od stong 'bar ba gser gyi lhun po ltar/ /rab tu brjid pa'i 'khor gyis bskor ba ni| |stong chen rab 'joms zhal gcig phyag bzhi ma/ /so sor 'brang ma zhal gcig phyag drug yin/ /gshin rje mthar byed zhabs drug brkyang bskum tshul/ / sku mdog mthing nag zhal drug shin tu khros/ /phyag drug mtshon cha du ma bsnams pa'o/ /shes rab mthar byed sku mdog dkar po ste/ /zhal bzhi phyag brgyad brkyang bskum tshul du bzhugs/ /padma mthar byed padma rA ga'i mdog /zhal gcig phyag bzhi rab tu khros pa'i tshul/ /bgegs mthar byed ni mthing nag rngams pa'i tshul/ /zhal gcig phyag bzhi bgegs dpung 'joms par mdzad/ /sgo 'gram gnyis na rnam sras dzaM bha la/ /sku mdog ser po dbul phongs sel ba'i phyir/ / phyag g.yas rin chen g.yon na ne'u le 'dzin/ /phyi sgo'i 'gram gyi klu yi khang pa na| |klu chen gsum ni zhal gcig phyag gnyis te/ /sbrul gyi gdengs ka sems dpa'i skyil krung bcas/ /sku mdog dkar dang dmar dang dmar ser yin/ /sgo 'gram g.yas kyi gnod sbyin khang pa na/ /srin mo langka mgrin bcu dbu dgu ste/ / rta mgos dpang bstod sku mdog mthing ga'o/ /gnod sbyin dri za gnyis ni sku mdog dmar/ /zhal gsum phyag bzhi sems dpa'i skyil krung bcas/ /sgo khang steng na sangs rgyas rabs bdun ni/ /mtshan dpes rab brgyan sprul sku'i tshul du bzhugs/ /'og khang logs la rgyal ba'i sku gzugs ni/ /lha yi ri mo gang la ci 'dul gling / /thugs rje chen po 'jigs pa brgyad skyob dang / /'jam dbyangs