[A:258]gtso 'khor lnga yi zhing bkod dang / /bde ba can gyi zhing gi bkod pa gzigs/ / lho nub g.yu drung khug na rigs gsum mgon/ /nub phyogs ka tshigs rgyal ba rigs lnga dang / /'gro don mtha' yas rgyal po'i mdzad pa bris/ /dus gsum sangs rgyas 'khor gyis bskor ba ni/ /nub byang g.yu drung khug gi ri mo yin/ / byang dang byang shar mtshams kyi ri mo la/ /thub pa'i mdzad pa bcu gnyis rdzogs par yod/ /shar gyi logs la sgrol ma spyan ras gzigs/ /thub pa bdud 'dul sems dpa'i tshogs dang bcas/ /shar lho g.yu drung khug gi ri mo la/ / bcom ldan sman gyi rgyal po'i lha tshogs bzhugs/ /sgrol ma rta mgrin dkar po la sogs pa'i/ /bar khang nang gi ri mo phal cher ni/ /be bum brgya dang rtsa brgyad ji bzhin bris/ /sna tshogs tshon gyi ri mo khra ba sogs/ /de rnams rgyal pos gzigs pas dgyes par gyur/ /shar lho'i lcog la seng gi gru skas byas/ / g.yung drung khug der dpal lha'i rten zhig btsugs/ /btsan khang byang ma ngo mtshar mdzes pa la/ /de na lha yi bdag bzung mi 'dug pas/ /sprul pa'i rgyal po de yi dgongs pa la/ /po ta ri nas rang byon bcu gcig zhal/ /shing rtar spyan drangs rol mo'i rgyan dang bcas/ /btsan khang byang mar bzhugs dgos dgongs pa la/ /de yi nub mo rang byon gtso 'khor rnams/ /lha yi rol mos bsu ba byas nas ni/ /rdzu 'phrul stobs kyis mkha' la gshegs nas kyang / /btsan khang byang mar gdan khri med par bzhugs/ /'jig rten dbang phyug rgyan gyis mdzes pa dang / /jo mo khro gnyer can dang dbyangs can ma/ /bdud rtsi 'khyil ba sgo 'gram g.yas su bzhugs/ kharsa pA Ni mgrin pa sngo ba dang / /rje btsun sgrol ma lha mo