[A:259]'od zer can/ /rta mgrin rgyal po sgo 'gram g.yon du bzhugs/ /de yi mod la ri dang bcas pa yi/ /rgya mtsho'i gos can rnam pa drug tu g.yos/ /lha rnams kun gyis me tog char pa phab/ /de nas rgyal po yab yum blon po'i tshogs/ /dad pa'i shugs kyis mchi mas gdong g.yogs shing / /rang rang mchod pa'i yo byad thogs nas ni/ /rab gus gdung bas phyag 'tshal mchod pa 'bul/ /thun mong mchog gi dngos grub thob par gyur/ /'di yi gzhi bdag bstan pa bsrung ba la// klu rgyal dga' bo dang ni nye dga' bo/ /srin po'i rgyal po lang ka mgrin bcu dang / /gnod sbyin dri za'i tshogs dang ku be ra/ /ma hA kA la dpal gyi lha mo sogs/ /lha khang bstan pa srung ba'i bdag por bskos/ /zhes so/ /de nas rgya mo bzas kyang / rgyal po ra mo cher gdan drangs te/ lha khang gzigs su phul bas shin tu dgyes par gyur to/ /de nas rgyal pos 'phrul snang dang / ra mo che gnyis la rab tu gnas pa mdzad par dgongs nas/ dga' ston gyi chas rgya chen po dang / mchod pa'i yo byad bsam gyis mi khyab pa bshams te/ gdugs dang rgyal mtshan dang / rol mo sna tshogs pa dang bcas nas/ de nas rgyal pos dkyil 'khor gyi steng du byon/ phyag tu me tog bzung / thar mo sbyar te bden pa'i tshig brjod pa ni/ rkang gnyis gtso bo thub dbang shAkya'i sras/ /grangs med sprul pas 'gro ba'i don mdzad pa/ /ston pa bde bar gshegs pa la sogs pa'i/ / phyogs bcu'i sangs rgyas rnams kyis bde legs stsol/ /thabs mkhas thugs rje ldan pa'i chu rgyun gyis/ /gang la gang 'dul smin cing grol bar mdzad/ /rje btsun spyan ras gzigs dbang la sogs pa/ /byang chub sems dpa' rnams