[A:262]dbyangs lta bu'i gsungs phyung nas/ rgyal po dgyes pa'i glu blangs pa/ /thugs rje'i bdag nyid dkon mchog gsum/ /thar pa'i lam ston spyan ras gzigs/ / gus pas yid kyis gsol ba 'debs/ /bkra shis glu la dgongs su gsol/ / de ring mdun gyi nam mkha' la/ /sangs rgyas byang chub sems dpa' rnams/ / sprin phung lta bur bzhugs pa mthong / /bkra shis rab gnas lhun gyis grub/ / tshangs pa la sogs lha rnams kyis/ /sil snyan rol mo'i sgra yang 'khrol/ /me tog padma'i char bab pas/ /bkra shis rab gnas lhun gyis grub/ /sangs rgyas bstan pa'i rgyal mtshan btsugs/ /nag po'i phyogs las rnam par rgyal/ /bdud dpung bcom pa'i mthu dpal gyis/ /bkra shis rab gnas lhun gyis grub/ / dam pa chos kyi rnga chen brdung / /dug lnga'i gti mug rang sar zhi/ /dkon mchog gsum gyi rnga sgra yis/ /bkra shis rab gnas lhun gyis grub/ /de ring skyid pa'i nyi ma shar/ /rang dbang med pa'i dga' sems skyes/ /'dod rgu'i longs spyod char bzhin babs/ /bkra shis rab gnas lhun gyis grub/ /yi dam lha yi bkra shis kyis/ /srong btsan sgam po bkra shis pas/ /bkra shis glu ru blangs pa yin// nga yi bod 'bangs rnams la bkra shis shog /ces gsungs pa dang / btsun mo dang blon po bod 'bangs dang bcas pa thams cad dga' zhing mgu la yi rangs par gyur nas/ rgyal po la phyag byas shing mchod pa phul lo/ /de nas yang rgyal pos brag lha klu sbugs su lha khang bzhengs te/ rten gyi gtso bo thub pa brag lha mgon po/ de'i g.yas na shA ri'i bu dang / g.yon na mau gal gyi bu/ de'i g.yas na byams pa/ g.yon na spyan ras gzigs te/ gtso 'khor lnga brag la gsal