[A:263]bar byon na'ang / ma 'ongs pa'i sems can bsod nams bsog pa'i phyir du/ bal po'i lha bzos 'bur du brkos/ bskor khang brag la brko ba la/ bod 'bangs rnams kyis legs par brkos te/ tshwa la drug cu bed yod pa'i skabs su| brag phye bre re phed pa la/ rgyal pos tshwa bre re brngan par byin/ bre phyed tsam phed kyang / brag phye dang tshwa brje po byas te/ lha khang du lha'i ri mo la sogs pa legs par tshar nas rab tu gnas pa mdzad do/ /lha sa rnam gnyis dang / mtha' 'dul dang yang 'dul gyi gtsug lag khang la sogs pa legs par tshar nas rab tu gnas pa mdzad pa'i le'u ste bco lnga pa'o// //
bcu drug phan pa dang bde ba 'byung ba'i phyir/ gter sbas pa dang bod 'bangs thams cad chos la bkod par mdzad pa'i skor/ de nas rgya mo bza' dang bal mo bza' gnyis la sras ma 'khrungs par/ zhang zhung bza' bya ba khab tu bzhes/ de la sras ma 'khrungs/ des thim bu skog pa'i lha khang bzhengs/ 'di lcags kha khong na yod/ de nas ru yong bza' bya ba khab tu bzhes/ de la sras ma 'khrungs/ des mig mangs tshal gyi lha khang bzhengs/ 'di go sha gling na yod/ de nas mi nyag bza' bya ba khab tu bzhes/ de la'ang sras ma 'khrungs/ des kha brag gser gyi lha khang bzhengs/ 'di mkhar sna gdong na yod/ de nas stod lung mang gi nang nas/ mang bza' khri lcam bya ba khab tu bzhes/ de la sras gcig 'khrungs par lung bstan te/ zla ba dgu ngo bcu lon pa na/ sras gung ri gung btsan zhes pa/ rgyal po'i gdung brgyud 'gran zla dang bral ba gcig lcags mo sbrul gyi lo la brag lha bkra shis kyi gzhal yas khang du 'khrungs te/ btsas ston