[A:264]rgya chen po mdzad nas thams cad dga' bar gyur to/ /yum sras de gnyis kyi thugs dam du yer pa'i gnas ri brag gi dbyibs ni 'phags ma sgrol ma bzhugs pa 'dra ba'i pang du lha khang dang mchod rten bzhengs te/ rab tu gnas pa mdzad nas ra sa 'phrul snang gi gtsug lag khang dang / bstan pa'i srog rtsa gcig par yab kyis smon lam btab bo/ /de nas rgyal pos bod 'bangs rnams dge ba bcu'i khrims la gnas par mdzad pa'i phyir du/ skrag cing 'jigs pa'i khrims rar 'chas te/ sangs rgyas kyi bstan pa la gnod pa byas pa dang / bod khrims las 'gal ba byas pa rnams la chad pa gcod pa yin no zhes bsgrags nas sprul pa mdzad de/ mi ma yin rnams la bcing ba dang / brdeg pa dang / mig 'don pa dang / sgyid pa gcod pa la sogs pa mdzad de/ don la grub pa med kyang / thams cad dngangs skrag bskyed pa'i thabs mdzad nas/ dge bcu'i khrims la bkod do/ /de'i tshe li yul lcang ra smug po na/ dge tshul gnyis kyis 'phags pa 'jam dpal lo brgyad kyi bar du bsgrubs pas/ ma 'grub par nam mkha' nas sgra byung ste/ dge tshul khyed gnyis dang 'jam dbyangs las 'brel med pas dngos grub brnyes par dka'/ khyed gnyis kyi lha 'phags pa spyan ras gzigs yin pas/ 'phags pa de da lta bod kha ba can gyi rgyal khams na| bod kyi rgyal po ru sku sprul yod/ der song dang zhal dngos su mjal bar yod do zhes lung bstan te mi snang bar gyur to/ /de thos pa tsam gyis dge tshul gnyis po'i lus kyi ba spu rab tu g.yos par gyur to/ /lus dang srog la mi blta bar rgyags phye khur nas bod du 'ongs so/ /der stod lung mda' brgal ba'i