[A:265]'phrang la slebs pa dang / chu'i 'gram na mi'i ro mgo med pa dang / mig med pa mang po bya khyis za gyin 'dug pa mthong ngo / /der dge tshul gnyis the tshom du gyur te| bod kyi mi la gtam byas nas/ rgyal po gang na bzhugs/ ro 'di rnams la ci byung ba yin byas pas/ bod kyi mi na re/ rgyal po lha sa na bzhugs/ ro 'di rnams khrims las 'gal ba la rgyal pos chad pa bcad pa yin zer bas dge tshul gnyis log lta skyes te/ spyan ras gzigs bdud du 'dug pa/ mi 'di tsam gsod pa/ nged rang gnyis log la 'dong zer te log go /der rgyal pos khong gnyis kyi bsam pa mkhyen nas/ blon po 'bri se ru gong ston la/ rgyal po'i zhal nas/ rta zhon la mgyogs par song shig stod lung mda' na rab tu byung ba'i rtags mgo la skra med pa/ gos ngur smrig gru bzhi gon pa'i mi gnyis nga'i drung du 'ong rgyu yin pa log lta skyes nas phyir log song yod pas/ zhi ba'i thabs kyis 'dir khrid shog gsung ngo / /der blon pos rjes zin te/ khong gnyis shin tu skrag par gyur pa la/ zhi ba'i gtam smras nas rgyal po'i drung du khrid 'ongs so/ / der rgyal pos dge tshul gnyis la phyag mdzad de/ de nas rgyal pos zhal 'dzum pa dang bcas te/ dge tshul khyed gnyis kyis bod du ci la 'ong gsungs pas/ dge tshul gnyis na re/ nged gnyis li'i yul nas 'ongs pa yin te/ 'phags pa 'jam dpal lo brgyad kyi bar bsgrubs pas ma 'grub par nam mkha' nas sgra byung ste khyod gnyis kyi lha 'phags pa spyan ras gzigs yin pas/ 'phags pa de da lta bod kha ba can gyi rgyal khams na rgyal po zhig tu sprul yod/ der song dang zhal dngos su mjal bar yod gsungs pas/ nged gnyis kyis lus dang