[A:266]srog la ma bltas par bod du 'ong ba yin/ lam kha na mi ro mang po 'dug pas bod kyi mi la dris pas/ rgyal pos khrims las 'gal ba la chad pa bcad pa yin zer bas/ nged gnyis skrag nas phyir log pa yin zer ro/ /der rgyal pos khong gnyis la bza' btung gis tshim par byas nas/ dbu'i thod phud de/ a mi dhe ba'i zhal bstan nas/ nga ni bod kyi rgyal po thugs rje chen po yin/ ngas rgyal srid bzung nas da lta phan la sems can la phan btags nas/ thar pa byang chub kyi lam la 'khod pa ma gtogs/ gnod pa khab rtse gang yang skyel ma myong / bod kyi mi 'di rnams spre'u dang brag srin las chad pa yin pas/ drag po'i sprul pa byas pa yin gsungs te/ se gol brdab pas/ ro rnams 'ja' yal ba bzhin song ngo / /der dge tshul gnyis dad cing gus par gyur te/ rgyal po chen po nged gnyis lam thag ring nas dka' ba spyad 'ongs pa chos go sla ba'i phyir/ don gsum la 'dus pa'i gdams pa zhig zhu zhus pas/ rgyal po'i zhal nas dge tshul gnyis nyon cig chos thams cad kyi rtsa ba hril gyis dril na don gsum la 'dus te/ lus kyi sgo nas srog gcod pa dang / ma byin par len pa dang / mi tshangs par spyod pa la sogs pa spangs te/ dkon mchog gsum gyi drung du phyag dang bskor ba gyis la bde 'gro mtho ris thob pa'i rten du tshul khrims kyi nor bu gces par 'dzin cig bslab pa rin po che'i rgyan dang nam du yang mi 'bral bar gyis shig ngag gi sgo nas rdzun phra ma/ tshig rtsub mo smra ba la sogs pa spangs te/ sangs rgyas thams cad kyi dgongs pa gcig tu bsdus pa'i ngo bo/ chos thams cad kyi rtsa ba bsdus pa'i snying po/ dge legs dang yon tan thams