[A:267]cad kyi gter mdzod/ phan bde'i dngos grub thams cad kyi rtsa ba/ gsung mchog yi ge drug pa la bzlas brjod gyis shig yid kyi sgo nas brnab sems/ gnod sems/ log par lta ba la sogs spangs te/ dkon mchog gsum la skyabs su 'gro zhing / khams gsum rig drug na gnas pa'i sems can thams cad rang gi pha mar ma gyur pa gcig kyang med pas/ de rnams kyi sdug bsngal bzod thabs med pa rnams rang gi rgyud thog tu len pa'i 'dun pa drag po dang bcas shing / rang gi phan bde gang yod de rnams la ster la/ bdag bas gzhan gces bsgom pa'i bsam pa bzang po dang ldan te/ mdor na byams snying rje byang chub kyi sems rin po che dang skad cig kyang ma bral bar gyis shig chos bzang las bsam bzang lhag pa yin no/ /don 'di gsum dang ldan na tshe gcig lus gcig la sangs rgyas par 'gyur ro/ /don 'di gsum rang rgyud la med na/ bka' mdo rgyud lung man ngag thams cad blo la yod kyang / kha chos yin zhing snying po med gsungs so/ /de nas rgyal pos dge tshul de gnyis la thugs rje chen po'i chos skor gsum dang / mdo padma dkar po dang / yi ge drug pa'i phan yon rnams gsungs nas/ thar pa byang chub kyi lam la 'khod par mdzad do/ /de nas dge tshul gnyis po/ dga' zhing mgu la yi rangs par gyur nas/ rgyal po'i zhabs la phyag byas te/ 'di skad ces gsol to/ /kye ma chos rgyal sprul pa'i sku// Arya pA lo thugs rje can/ /yul du 'gro bas skyel ma zhu/ /zer bas rgyal po'i zhal nas/ khyed gnyis gegs med par skad cig la yul du sleb par 'dod dam gsungs pas/ dge tshul gnyis na re/ ci nas kyang dka' tshegs med par