[A:269]dang ldan pa/ gdul bya longs spyod nam mkha' dang mnyam shing / gang la gang 'dod yid bzhin du 'byung ba/ mtha'i nor thams cad gnas 'dir 'du zhing / mtha' bzhi las rnam par rgyal ba/ bod yul na 'gran zla dang bral zhing / 'od dang 'od zer phyogs bcur khyab pa/ snyan pa dang grags pas ni sa'i steng thams cad khyab ste/ byin rlabs ni nyi zla'i 'od dang mtshungs/ rin po che dang / nor dang / 'bru dang / gser dang / dngul dang / dbyig dang / rgyan dang / gos dang / zang zing gi long spyod ni char bzhin du 'bab pa/ yon tan du ma dang ldan par byed pa la sa'i yon tan bltas nas gter sbed dgos te/ de yang dper na yid bzhin gyi nor bu 'dod rgu 'byung ba'i rgya mtsho'i 'gram na/ grong dang grong khyer ci yod kyang / de'i mthu la brten te/ 'byor pa dang ldan pa yod pa ltar/ rin po che'i gter yod pa'i gnas der yang / 'byor pa longs spyod rang bzhin gyis 'ong bas/ ma 'ongs pa'i bod 'bangs rnams kyi don du gter sbas pa ni/ ka ba bum pa can dang nye ba'i sar/ dam pa chos kyi gter sbas so/ /de'i yon tan ni bod kyi yul 'dir ma 'ongs pa'i dus su/ sangs rgyas kyi bstan pa nyi ma shar ba bzhin 'byung ste/ dam chos la longs spyod par 'gyur ro/ /ka ba shing lo can dang nye ba'i sar/ /gser dngul rin po che'i gter sbas so/ /de sbas pa'i yon tan ni/ mtha'i nor thams cad dbus su 'du zhing / gser dngul la longs spyod par 'gyur ro/ /ka ba sbrul mgo can dang nye ba'i sar/ drag sngags mthu'i gter sbas so/ /de sbas pa'i yon tan ni/ mtha' dmag dang / bgegs dang log 'dren thams cad mi 'byung bar 'gyur ro/ /ka ba seng mgo can dang nye ba'i