[A:270]sar/ byol song phyugs kyi g.yang yig rnams sbas so/ /de sbas pa'i yon tan ni/ bzhon phyugs 'phel ba dang / dkar thog bcud dang ldan par 'gyur ro/ /rin po che ratna de ba/ gzi'i sgrom bur bcug nas dar zab sna lngas dril la dzambha la'i 'og tu sbas so/ /de'i yon tan ni/ rgyan dang / gos dang / nor dang / 'bru la sogs pa gang la ci 'dod pa thams cad 'byung bar 'gyur ro/ /rin po che stag sha de ba sbrul gyi lpags pas gtums nas klu khang du sbas so/ /de'i yon tan ni/ lo phyugs rtag tu legs shing char chu dus su 'bab ste/ sa bdag klu'i gnod pa mi 'byung bar 'gyur ro/ /baiDUrya'i lhung bzed zas sna dpag tu med pas bkang ste| gnod sbyin khang par sbas so/ /de'i yon tan ni/ bza' btung gi longs spyod gang la ci 'dod pa thams cad 'byung zhing / zas bcud dang ldan par 'gyur ro/ /ra sa'i gtsug lag khang la zhig ral byung na gso ba dang / mchod pa rgyun ring por bya ba'i phyir/ gser dang dngul dang rin po che sna tshogs las zangs chen po zhig bkang ste/ dkyil 'khor chen po'i 'og tu sbas so/ /las dang skal bar ldan pa'i gang zag la smon lam btab bo/ /gzhan yang sa cha 'od dang ldan pa dang / char chu dus su 'bab ste/ 'bru sna smin pa/ than pa dang / sad dang / ser ba dang / btsa' dang / mu ge mi 'byung ba dang / nad yams dang / mtha' dmag gi gnod pa mi 'byung zhing / dus dang gnas skabs thams cad du bkra shis shing / dge legs kyis khyab par bya ba'i phyir/ rin po che gser dngul la sogs pa rnams rin po che'i snod du dar zab sna tshogs kyis dril nas bcug gnod sbyin khang pa dang / klu khang dang / lha khang gi nang skor thams cad