[A:272]bsgyur zhing yang dag par gtan la 'bebs/ gtsug lag khang mang po bzhengs/ sangs rgyas kyi bstan pa dar zhing rgyas par 'gyur te/ rab tu byung ba bslab pa gsum gyi rgyan gyis rab tu mdzes pa/ ngur smrig gi rgyal mtshan gsol ba mang po 'byung bar 'dug ste/ nga'i dbon sras rnams kyi dbu'i mchod gnas byed/ 'tsho ba blang nas sbyor phan bde dang dge legs thams cad 'byung bar 'gyur ro zhes gsungs pas/ blon po mgar gyis de ma thag tu zangs kyi byang bu la bris nas/ 'ching phu'i dkor mdzod du sbas so/ /gzhan yang phyi blon/ nang blon/ bod 'bangs kyi skyes pa dang bud med/ byis pa yan la rim pa bzhin du 'jig rten la dgos pa'i zhal gdams dpag tu med pa gsungs nas/ thugs rje chen po'i bskyed rim gyis/ yi ge drug pa'i chos la bkod do/ /
'di yang blon po 'bri se ru gong ston gyis/ ma 'ongs pa'i bod 'bangs rnams la phan pa'i phyir yi ger bris bzhag go /
gzhan yang rgyal po nyid kyi rnam thar rnams la rgyas 'bring gsum du mdzad/ shog dril gsum byas nas ka ba bum pa can gyi 'og tu sbas te/ las dang skal bar ldan pa'i gang zag la smon lam btab bo/ /de nas rgyal po dang btsun mo'i mdzad pa thams cad yongs su rdzogs te/ bod kha ba can pa'i re zhig ltos pa'i pha ma lta bu| 'gro ba sgrol ba'i ded dpon lta bu/ dgos 'dod 'byung ba'i nor bu lta bu/ mun pa sel ba'i sgron me lta bu/ nye ring med pa'i nyi zla lta bur mdzad de/ las thabs mkhas pas phyi na dgra med/ bka' drin bzang pos nang gi 'bangs rnams skyongs/ mnga' 'og gi bod 'bangs thams cad 'byor pa dang ldan zhing / dga' bde la longs spyod do/ /phan pa dang bde ba thams cad 'byung bar bya ba'i